ISTKHARA KA SAHI TAREEQA AUR ADAAB O AHKAAM استخارہ کا صحیح طریقہ اور آداب و احکام Compliments Of Omen And Their Method )

  

  ISTKHARA KA SAHI TAREEQA AUR ADAAB O AHKAAM

AABO GUL KA YE KHAMEER JISE ALLAH RABB UL IZZAT NE ADAM KI SHAKL ME TASHKEEL DIYA AUR ILM O DANAI,AQL O FARAASAT KI BINA PAR MAKHLUQAAT ME ASHRAF AUR APNA NA’EB MUQARAR KIYA JO AAJ CHAND O MAREEKH PAR KAMANDIE.N DALNE AUR USE ADAM KA NASHEMAN BANANE AUR APNE ILM O TAKHLEEQ KI BUNYAD PAR MAKHLUQAAT KE HAQA’EQ SE WAQIF HONE AUR UN KO APNE CONTROL ME KARNE KE LIYE KUSHA O SARGARDA HAI - BAAZ DAFA MALUMAT KI WUS’AT AUR WASAYEL KI BOHTAT KE BAWAJUD US KE AISE AMOOR,WAQEAT O HAADSAT KA SAMNA HOTA HAI JISSE USE APNI ILMI,KAM MAYEGI O  AUR AQL W DANAI KE MAHDUDIAT KA EHSAAS HONE LAGTA HAI-AUR YE APNI TAMAM SALAHIATON AUR ISTEDADO KE BAWAJUD DUSRO KI MADAD AUR REHNUMAI KA MOHTAJ AUR MUNTAZIR HOTA HAI-EK AISE WAQT ME JAB KE INSAAN TAZBAZB KA SHIKAR AUR REHBARI KA TALABGAAR HOTA HAI AUR KISI CHEEZ KE IKHTIYAAR W ANTEKHAAB ME PASO PESH ME PAD JATA HAI TO SHARI’AT USE WAAHI TABAHI AMOOR SE BACHATE HUE MAQOOL AUR PASANDIDA AMR‘ISTKHARA, KI REHNUMAI KARTI HAI MUSNADULHIND HAZRAT SHAH WALIULLAH MUHADDIS DEHELVI RAHMATULLAH ALAIH APNI KITAB‘HUJJATULLAHILBAALIGHAH , ME ISKI MASHRUIAT KI HIKMAT W MASLEHAT BAYAAN KARTE HUE FARMATE HAI KE:‘‘ZAMANA JAHLIYAT ME JAB KISI KO SAFAR,NIKAH AUR KHARIDO FAROKHT JAISE AHEM AMOOR PESH AATE TO WO‘ISTIQSAAM BILAZLAAM,KARTE- YE ARAB ME RAYIJ EK TAREEQA THA KE JAB KOI SHAKHS KISI AHEM KAAM KA IRADAH KARTA AUR MUSTAQBIL ME USSE MUTALLIQ BEHTARI YA KHISARAH KO MALUM KARNA CHAHTA TO WO KHANAE KAABA KE ZIMEDAAR KE PAAS JATA USKE PAAS KUCH TEER HOTE-WO ZIMEDARAN TEERO.N KI MADAD SE US SHAKHS KO US AMAL KE KARNE YA NAKARNE KI TAKEED KARTA-IS TARAH KE KUCH AUR TAREEQE BHI KHAIRO SHAR KE MALUM KARNE KE UNKE DARMIYAN RAYIJ THI-NABI KAREEM SALLALLAHO ALAIHE WASALLAM NE US JAHILANA RASM SE MANA FARMAYA KYUNKE ISKI NA TO KOI ASAL  HAI AUR NA KOI BUNYAD,BALKE USME KUCH BHALAAI NIKAL BHI JATI TO WO BHI ITEFAAQ HOTI BHI AUR CHUNKE US KE BAAD YE LOG US KO KHUDAI HUKM AUR FAISLA SAMAJH KAR AMAL KARTE YA TARK KARTE THE JISME EK TAUR PAR ALLAH RABBULIZZAT PAR BOHTAN BHI THA TO SHARIAT NE INSAAN KI FITRI ZARURAT AUR TABEE MILAAN O KHALJAAN KO MALHUZ RAKHTE HUE RAB E KAENAT SY REHNUMAI AUR ISTEFADA KA ZARIA ISTEKHARA KI SHAKL ME USE ATA KIYA

·       ISTEKHARA KI HIKMAT

ISTEKHARA KI HAQEEQAT AUR USKI RUH YE HAI KE JAB BANDA KISI AMR ME MATAHAIYER AUR MUTARDUD HOTA HAI AUR KOI SAAF AUR WAAZE PEHLU SHARAEE AUR AQLI,MA’ASHI AUR DEENI TAUR PAR NAZAR NAHIN AATA AUR USKA ILM REHNUMAI SE QAASIR AUR AQL BEHTAR AUR SAHI KE INTEKHAB SE AAJIZ HO JATI HAI TO YE BANDA APNI DARMAANDGI AUR BE ILMI KA EHSAAS O  ETRAAF KARTE HUE APNE ALEEM KUL AUR QADIR MUTLAQ MALIK SE REHNUMAI AUR NUSRAT KA KHWAHISHTGAAR HOTA HAI AUR APNE MAAMLE KO RAHEEM W KAREEM ZAAT KE HAWALA KAR DETA HAI KE JO TERE NAZ-DEEK BEHTAR HO BAS ISI FAISLA AUR INTEKHAAB KAR DE.

·       ISTEKHARA KI FAZILAT

ISTEKHARA KI FAZILAT O AHMIYAT AUR BANDO KO USKI HAAJAT W ZARURAT KE PESH NAZAR,HUZOOR SALLALLAHO ALAIHE WASALLAM ISTEKHARA KI TALEEM,USI EHTEMAM SE FARMATE THE JIS EHTEMAM SE KE AAP SALLALLA-HO ALAIHE WASALLAM UN KO QURAN KAREEM KI SURATON KI TALQEEN FARMAYA KARTE THE-HAZRAT JABIR RAZI ALLAHO TA’ALA ANHU SE MANQOOL HAI,FARMATE HAI KE RASOOLALLAH SALLALLAHO ALAIHE WASALLAM HAMIEN APNE MAMLAT ME ISTEKHARA ISI EHTEMAM SE SIKHATE THE JIS EHTEMAM SE QURAN KAREEM KI SURATON KI TALEEM FARMATE THE-(BUKHARI)- EK DUSRI HADEES ME HUZOOR SALLALLAHO ALAIHE WASALLAM KA IRSHAD HAI KE‘ISTEKHARA KARNE WALA KABHI NA KAAM W NA MURAAD NAHIN HOTA THA,(MAJMA’ALZAWA’ED) KYUNKE US NE APNE MAAMLE KO AISI ZAAT KE SUPURD KIYA HAI JO MAA SE ZYADA SHAFEEQ W MEHERBAN AURBAAP SE ZYADA MASLEHATO.N AUR HIKMATO.N PAR NAZAR RAKHNE WALA AUR KHAIR KHWAH HAI-AGAR AISI RAHEEM W KAREEM ZAAT SE BHI JIS KI JUDO SAKHA AUR SHAFQAT W MUHABBAT KI NA TO KOI ADEEL HAI AUR NA KOI MISL,KOI ISTEFADAH NA KARE TO USKI HIRMA.N NASEEBI ME KYA SHUBA BAAQIREH JATA HAI?(TIRMIZI)-AADMI KI BAD BAKHTI KE LIYE YE BAAT KAAFI HAI KE WO ALLAH SE ISTEKHARA KARNA CHODH DE-

·       ISTEKHARA KA MASNOON TAREEQA

ISTEKHARA KA TAREEQA JO HADEES SHARIF ME WAARID HUA HAI JO SUNNAT KI BARKATON AUR AAP SALLALLAHO ALAIHE WASALLAM KI TALIMAT KI NURANIYON SE MA’MUR HAI HADYAE QAARYEN KYA JATA HAI SUNAN W MUSTAHIBAAT KI RIYAYAT KARTE HUE ACHI TARAH WAZU KARKE DO RIK’AT NAFL ISTEKHARA KI NIYAT SE PADHE PHIR KHUB ALLAH RABBUL IZZAT KI TAAREEF W TAMHEED KARE USKE BAAD ISTEKHARA KI YE DUA PADHE(TARJUMA)YA ALLAH MAIN TERE ILM KE ZARYE TUJHSE KHAIR MANGTA HU.N AUR TERI QUDRAT KE ZARYE TUJHSE QUDRAT TALAB KARTA HU.N AUR TERE BADE FAZL KA TUJHSE SAWAL KARTA HU.N KE BILA SHUBAH TUJHE QUDRAT HIA AUR MUJHE QUDRAT NAHI AUR TU JAANTA HAI AUR MAIN NAHI JAANTA AUR TU GHAIBO.N KO KHUB JANNE WALA HAI AYE ALLA AGAR TERE ILM ME YEH KAAM MERI DUNYA O AAKHIRAT ME BEHTAR HAI TO ISKO MERE LIYE MUQADDAR FARMA AUR AASAN FARMA PHIR MERE LIYE ISME BARKAT FARMA AGAR TERE ILM ME MERE LIYE YEH KAAM DUNYA O AAKHIRAT ME SHAR YA BURA HAI  TO ISKO MUJHSE AUR MUJHKO ISSE DOOR FARMA AUR MERE LIYE KHIAR MUQADDAR FARMA JAHAN KAHIN BHI HO PHIR MUJHKO USPAR RAAZI FARMA DE (BUKHARI SHAREEF) FUQHA O MUHA-DDISEEN FARMATE HAIN KE ISTEKHARA KI DUA PURI KARNE KE BAAD QIBLA RUKH HO KAR BAWAZU SOJAYE(SHAAMI)ALLAMA NAWWI REHMATULLAH ALAIHE AUR IMAM GHAZAALI REHMATULLAH ALAIHE NE PEHLI RIK’AT ME SURAH KAFIROON AUR DUSRI RIK’AT ME SURAH IKHLAAS PADHNE KI BAAT BHI KAHI HAI-(UMDATUL QAARI SHARAH BUKHARI)MULLA ALI QAARI REHMAT ULLAH ALAIHE NE US KE ILAWA PEHLI RIK’AT ME(AAYAT 86 SURAH QASAS) AUR DUSRI RIK’AT ME( AYAT 36 SURAH AHZAAB) PADHNE KA MAMUL BHI NAQL KYA HAI-(MIRQAATULMAFATEEH)-AGAR KISI SHAKHS KO KOI KAAM ACHANAK PESH AAJAYE AUR USE ITNI MOHLAT NAHO KE WO MAZKURA BALA TAREEQA PAR ISTEKHARA KAR SAKE TO WO SIRF DUA PAR BHI IKTIFA KAR SAKTA HAI.

·       ISTEKHARA KA NATIJA

YE EK AHEM MASLA HAI-IS SILSILE ME AAM LOG UMUMAN PARESHANI AUR ULJHAN KA SHIKAR REHTE HAI KE ISTEKHARA TO KAR LIYA LEKIN UN PEHLUON ME SE KIS PEHLU KA INTEKHAAB HAMARE HAQ ME NAAF’E AUR KAMYABI KA ZAAMIN HOGA US KO KAISE PEHCHANA AUR JANA JAYE AUR KIN ALAMAT KO PESHE NAZAR RAKHTE HUE INTEKHAAB AUR AMAL DAR AAMAD KIYA JAYE?IS SILSILE ME DO TARAH KI RAI MILTI HAI:(1)EK YE HAI KE NAFS ISTEKHARA KAAFI HAI AUR ISIPAR ETEMAAD KARTE HUE AADMI JIS KISI PEHLU KO IKHTIYAAR KAREGA INSHA ALLAH KHAIR USI ME HOGA KYUNKE ISTEKHARA EK DUA HAI-BANDA APNE PARWARDEGAR SE ISTEKHARA KE ZARYE DARKHWAST KARTA HAI KE ALLAH US KE HAQ ME KHAIR AUR BHALAI KO MUQADDAR FARMAYE TO ZARUR ALLAH USKE HAQ ME BEHTARI AUR USKE HAAL KE MUNASIB AMR KO USKE LIYE MUNTAKHAB AUR SAHAL FARMA DETA HAIN-(2) DUSRI BAAT YE HAI KE ISTEKHARA KARNE KE BAAD DIL KA MILAAN AUR RUJHAAN KIS PEHLU PAR HO USI KO IKHTIYAAR KARNA CHAHIYE IS RAI KI TA’EED  EK HADEES SE BHI HOTI HAI JIS KO IBNUSSANI NE HAZRAT ANAS RAZI ALLAHO TA’ALA ANHU SE RIWAYAT KIYA HAI HAZRAT ANAS RAZI ALLAHO TA’ALA ANHU FARMATE HAIN KE RASOOL ALLAH SALLALLAHO ALAIHE WASALLAM NE IRSHAD FARMAYA KE JAB TUM KISI KAAM KA IRADA KARLO TO APNE RAB SE SAAT DAFA ISTEKHARA KARLO PHIR JIS CHEEZ KI TARAF TUMHARA ZEHEN MUTAWAJJA HO USI KI TARAF TAWAJJA KARLO KYUNKE KHAIR ISI ME HAI-ULAMA KI EK BADI TA’DAAD KA RUJHAAN BHI ISI RAI KI TARAF MALUM HOTA HAI AUR INHONE IS RAI KO IKHTIYAAR KIYA HAI-DEKHIYE(UMDATUL QAARI/MIRQATUL MAFATEEH) ISTEKHARA ME KHWAB DEKHNA ZARURI NAHIN HAI AGAR KISI KO KHWAB AJAYE TO YE USKE QALBI RUJHAAN KE LIYE MADADGAAR SABIT HOGA CHUNANCHA MASHAEKH IS SILSILE ME KEHTE HAIN AGAR KOI KHWAB ME SAFED YA SABZ RANG KI CHEEZ DEKHLIEN TO USKE LIYE MUNASIB YE HAI KE US KAAM SE IJTINAAB AUR PARHEZ KARE.

·       ISTEKHARA KIN UMOOR ME KIYA JAYE

ISTEKHARA AISE MAMLO.N ME KIYA JAYE JISKE MUFEED AUR DURUST PEHLU SE INSAAN WAQIF NA HO AGAR WO MAMLA AISA HO JIS KI BHALAI SE INS-AAN WAQIF HO JAISE IBADAT AUR DEGAR EHKAME SHARA YA PHIR USKI BURAI ME US PAR WAAZE HO MASLAN GUNAH KE KAAM AUR MUNKIRAAT TO UN AMOOR ME ISTEKHARA KI KOI HAAJAT HAI HI NAHIN KYUNKE SAHI AUR GALAT TO WAAZE AUR ZAHIR HAI-ISTEKHARA JAYEZ AUR MUBAAH CHEEZON ME KIYA JAYEGA NEZ AISE WAJIBAT ME BHI KIYA JASAKTA HAI JIS ME WAQT AUR KAIFIYAT KI KOI QAID NA HO TO UN KE WAQT AUR KAIFIYAT KE SILSILE ME ISTEKHARA KIYA JASAKTA HAI (HASHIYA TEHTAWI)-DUSRI BAAT YE HAI KE HAR JAYEZ AUR MUBAH KAAM ME BHI ISTEKHARA NAHIN KIYA JAYEGA BALKE AISE UMOOR ME ISTEKHARA KIYA JAYEGA JO KABHI KABHAR PESH AATE HAIN AUR JISKE LIYE EHTEMAM BHI KIYA JATA HO JAISE SAFAR,TAMEER,NIKAH WAGAIRA-LEKIN AISE UMOOR KA JO HAMESHA LAHAQ REHTE HO AUR UNKE LIYE KOI EHTEMAM BHI NA KIYA JATA HO MASLAN ADATAN KHAYE AUR PIYE JANE WALI CHEEZIEN TO UN UMOOR ME ISTEKHARA NAHIN KIYA JAYEGA-(SHARAH ABI DAWOOD) HADEES SHARIF ME NAMAZ ISTEKHARA KE LIYE KOI KHAAS WAQT WARID NAHIN HUA LEHAZA NAMAZ ISTEKHARA UN AUQAAT KE ILAVA JIN ME NAMAZ PADHNA MAKRUH HAI KISI BHI WAQT ADA KI JASAKTI HAI-(MIRQAATUL MAFAATEEH) ALBATTA ALLAMA IBNE ABIDEEN SHAMI REHMAT ULLAH ALAIH ‘SHARAUSHARIAH, KE HAWALE SE MASHAEKH SE SUNI HUI YE BAAT NAQL KI HAI KE USKE PADHNE KE BAAD BAWAZU SO JAYE USSE YE BAAT MALUM HOTI HAI KE NAMAZ ISTEKHARA SONE SE QABL ADA KARNA MUJARRAB AUR NAAFE HAI-(SHAMI)

·       ISTEKHARA ME TAKRAAR

AGAR KISI KO EK DAFA ISTEKHARA KARNE SE KISI EK PEHLU PAR DILI RUJHAAN HASIL HONE TAK ISTEKHARA KARTA RAHE CHUNANCHA ALLAMA AINI REHMAT ULLAH ALIH NE IMAM NAVVI REHMAT ULLAH ALIAHE KI‘KITAB ALAZKAAR,SE UNKA YE QAUL NAQL KIYA HAI KE INSAAN TEEN TEEN DAFA ISTEKHARA KARE KYUNKE HUZOOR SALLALLAHO ALAIHE WASALLAM SE TEEN DAFA DUAIEN KARNA SABIT HAI-(UMDATULQAARI)-BAAZ HAZRAAT E ULMA NE HAZRAT ANAS SE MARVI RIWAYAT KI BUNYAD PAR SAAT DAFA ISTEKHARA KARNE KO PASAND KIYA HAI LEHAZA AGAR KISI KO DILI MILAAN HASIL NAHO TO WO TEEN DAFA ISTEKHARA KARE AGAR PHIR BHI HASIL NAHO TO SAAT DAFA KARLE AUR SAAT DAFA KARNA BHI BEHTAR HAI KYUNKE SAAT ME TEEN DAKHIL HAI LEKIN AGAR KOI TEEN HI DAFA KARE TO USKO SAAT TO NAHIN MIL SAKTA LEHAZA AISE ANDAZ PAR AMAL KARNA JISME DONO SURATIEN MIL JAYIEN AUR DONO TARAH KI AARA PAR AMAL HO JAYE ZYADA MUNASIB HAI –BALKE BEHTAR YE HAI KE AGAR IS KAAM ME TAKHEER KI GUNJAISH HOTO JAB DIL KA JHUKAU KISI EK PEHLU NA HO JAYE ISTEKHARA KARTA RAHE –(UMDAT ULQARI)

·       NATIJA E ISTEKHARA KA SHARAEE HUKM

ISTEKHARA KARNE KE BAAD JO NATIJA HASIL HOTA HAI US PAR AMAL KARNA NA TO WAJIB HAI AUR NA HI SUNNAT LEKIN AGAR KISI EK JANIB PURA RUJHAAN HO JAYE AUR USME APNI ZAATI KHWAHISH KA KOI DAKHL NA HO TO US SURAT ME US CHEEZ KO IKHTIYAR KARLE KYUNKE ALLAH NE HAMARE HAQ ME JO CHEEZ MUTAIYAN  O MUQADDAR KI HOGI WO HAMARE HAQ ME ZARUR BEHTAR HOGI

·       KISI SHAKHS KA DUSRE KE KIYE ISTEKHARA KARNA

BANDA APNI NAQIS TALAASH O JUSTUJU KE BAAD LIKHTA HAI KE HADEES ME KISI AUR SE ISTEKHARA KARWANE KA KAHIN ZIKR NAHIN MILTA-IS SILSILE ME BANDA NE JIN AKABEER ULAMA  KI KITAABO.N SE RUJU KIYA UN  HAZRAAT NE BHI KISI KITAB ME IS MASLE KE MAUJOOD HONE MUTALLIQ KUCH NAHI LIKHA ALBATTA BAAZ HAZRAAT ULAMA KA KHAYAL YE HAI KE ISKI IJAZAT HONI CHAHIYE-DALEEL YE HAI KE ISTEKHARA ME BANDA ALLAH RABBUL IZZAT SE KHAIR AUR BHALAI KA KHWASTGAAR HOTA HAI JOKE EK DUA HAI AUR DUA KI DARKHWAST KISI SE BHI KI JASAKTI HAI DAR HAQEEAT ISTEKHARA TALB KHAIR HI KA NAAM HAI AUR JIS TARAH KHUD KAR SAKTA HAI USI TARAH DUSRO SE BHI KARWA SAKTA HAI-LEKIN JAB HUM ISTEKHARA SE MUTALLIQ HADEES PAR NAZAR DALTA HAI TO NABI KAREEM SALLALLHO ALAIHE WASALLAM KHUD ISTEKHARA KE ZARURAT MAND KO US BAAT KA HUKM FARMA RAHE HAI KE WO ISTEKHARA KARE CHUNANCHE HAZRAT AYYUB ANSARI KO NABI KAREEM SALLALLAHO ALAIHE WASALLAM NE BAZAAT E KHUD ISTEKHARA KARNE KI BAAT KAHI HAI-(MASNAD AHMED)NEZ HAZRAAT SAHABA RAZI AL-LAHO TA’ALA ANHUM SE KISI NE HUZUR SALLALLAHO ALAIHE WASALLAM SE YE KAHA HO KE AAP HAMARE LIYE ISTEKHARA FARMADIEN ISKA BHI BANDA KO KOI SABOOT NAHI MIL SAKA AUR NA FUQHA HI NE IS TARAH KI BAAT KI KE KOI GAIR KISI KE LIYE ISTEKHARA KAR RAHA HO TO US WAQT WO MUTAKALLIM KE SEYGHO KI JAGAH KYA KAHE-ISSE KAM AZ KAM YE MALUM HOTA HAI KE ISTEKHARA ANILGHAIR(KISI DUSRE KA ISTEKHARA KARNE)KA ASLAAF ME KOI WAJOOD NA THA-YA YE KE WO KISI NA KISI ETBAAR SE IS MAMLE SE MUTALLIQ HOTE THE US SURAT ME DAR HAQEEQAT YE ISTEKHARA AN ULGAIR(KISI DUSRE KA ISTEKHARA KARNA)NAHIN BALKE ISTEKHARA ANINNAFS (KHUD ZARURAT MAND KA ISTEKHARA KARNA)HO JAYEGA LE HAZA BAAZ HAZRAAT ULMA NE YE NUQTAYE NAZAR BHI BAYAN

KIYA HAI KE‘ISTEKHARA  ANILGHAIR,DAR HAQEEQAT‘ ISTEKHARA ANINNAFS,HAI KYUNKE WO SHAKHS IS MAMLE KO KISI NA KISI ETBAAR SE APNE SE JOD KAR HI ISTEKHARA KARTA HAI LEHAZA WO USI KI ZAAT KE LIYE ISTEKHARA HUA,MASLAN WALDAIN JAB APNI AULAAD KI SHAADI KE SILSILE ME ISTEKHARA KARENGE TO UN KE ZEHEN ME YE HOTA HAI KE MADD E MUQABIL HAMARI AULAAD KE LIYE MUNASIB HOGA KE NAHIN HAMIEN US MAMLE ME KYA RAWAYYAA IKHTIYAAR KARNA CHAHIYE US KO QUBOOL KARNA HAMARE HAQ ME BEHTAR HOGA YA RADKARNA,IS MAMLE KHUD UN KI ZAAT TARADDUD KA SHIKAR HAI AUR ISTEKHARA RAFA TARADDUD KA KE LIYE HAI DUSRE NUQTAYE NAZAR KE AITBAAR SE ISTEKHARA KARNE WALA KISI NA KISIDARJA ME BAZAAT KHUD US MAMLE SE MUTALLIQ AUR US ME MUTRADDUD HO AISA NA HO KE KISI AISE SHAKHS KE JIS KA US MAMLE SE KOI TALLUQ HI NA HUA ISTEKHARA KARWAYE-MAUJUDA HALAAT KE TANAZUR ME IS SILSILE ME EK MASLA BAHUT AHMIYAT KA HAMIL HO GAYA HAI WO YE KE LOG PHONE YA DEGAR MAWASALATI ZARAE SE KISI BUZURG YA MAZHABI SHA-KHSIYAT SE APNE KAAM KE MUTALLIQ ISTEKHARA KI DARKHWAST KARTE HAIN AUR WO BUZURG YA SAHEB US MASLE AUR US KAAM KO SUNNE KE FAURAN BAAD HI APNA JAWAB MARHAMAT FARMA DETE HAIN ISKI DO KAIFIYATIEN HO SAKTI HAI(1)EK TO YE KE BAGAIR KISI TALAB KHAIR KI DUA AUR TAWAJJUH ILALLAH  FAURAN HI JAWAB DE DIYA JAYE TO US SURAT KO ISTEKHARA NAHIN KAHA JAYEGA KYUNKE ISTEKHARA ALLAH SE APNE HAQ ME BHALAI AUR KHAIR KE MUQADDAR KARNE KO MANGNE KA NAAM HAI AUR YAHAN ALLAH SE MANGNA PAYA HI NAHIN GAYA TO US KO ISTEKHARA KAISE KAHA JAYEGA?BALKE AGAR KOI SHAKHS US AMAL KE BAAD YE AQEEDA AUR ETQAAD RAKHE KE MERE MAMLE ME INTEKHAB AUR FAISLA ALLAH NE KIYA HAI TO YE IFTARA ALALLAH(ALLAH PAR BOHTAN BANDHNA) HONE KI WAJAH SE NAJAYEZ AUR HARAM HOGA-CHUNANCHA ZAMANA JAHLIYAT ME AHLE ARAB ALLAH RAB UL IZZAT SE KHAIR AUR BHALAI MANGE BAGAIR APNE AABA W AJDAAD KE MUTAIYAN KARDA KHAIR AUR SHAR KE CHAND MEYARAAT KI BUNYAD PAR IS MAMLE KA FAISLA KAR LETE AUR US KO ALLAH KI TARAF MANSUB KAR DETE KE MUJHE MERE RAB NE YE KARNE YA NA KARNE KA HUKM DIYA HAI-(HUJJAT ULLAHIL BAALIGHAH) DUSRI KAIFIYAT YE HO SAKTI HAI KE JAWAB TO FAURAN HI DIYA JATA HO LEKIN SAYIL KO KISI EK MUTAYYANA SURAT KE MUNTAKHAB KARNE KE MUTALLIQ JAWAB DENE SE QABL ALLAH SE KHAIR AUR BHALAI KI DUA MANGLI JATI HO YE SURAT PEHLI SURAT KE MUQAABLE ME KISI HAD TAK DURUST TO HAI LEKIN USME DO TARAH KI KHARABIYAN HAIN EK TO AAP KE DIL KA NAFSANI DABAO SE BACHTE HUE KISI EK TARAF MAYIL HONA,JAWAB DENE KE LIYE ZARURI HAI AUR AISA HAR DAFA AUR HAR SAWAL KE JAWAB ME HONA ZARURI NAHIN WARNA TEEN DAFA AUR SAAT DAFA ISTEKHARA KI BAAT KYUN AATI JAB KE KOI BHI MAMLA ISTEKHARA KE BAAD EK HI LAMHA ME HAL HO JATA DUSRI BAAT YE HAI KE YE HUZUR SALLALLAHO ALAIHE WASALLAM KI TALIMAAT AUR AAP SALLALLAHO ALAIHE WASALLAM SE MANQUL ISTEKHARA KE TAREEQA KE MUTABIQ NAHIN HAI IS RIWAAJ KE AAM HONE KI WAJAH SE EK KHARABI YE BHI PAIDA HO GAYI HAI KE LOG BAZAAT E KHUD ISTEKHARA KARNE KE BAJAYE DUSRO SE ISTEKHARA KARWANE KO HI SHARAYEE TAREEQA SAMJHNE LAGE HAIN JAB KE HUZUR SALLALLAHO ALAIHE WASALLAM AUR SEHABA RAZI ALLAHU TA’ALA ANHUM KA MAMUL KHUD ZARURAT MAND SHAKHS KA ISTEKHARA THA BEHR HAAL MUNASIB AUR MASNOON AMAL YE HAI INSAAN KHUD ISTEKHARA KARE AGAR KOI MAMLA BAHUT AHEM HO AUR KISI PEHLU MILAAN BHI NA HO RAHA HO YA PHIR NAFSANI KHWAHISHAAT KA GALBA HO TO PHIR AISE LOGON SE JO US MAMLE SE KISI NA KISI HAD TAK TALLUQ HO AUR UNKI BUZURGI O SHARAFAT BHI MUSALLAM HO,ISTEKHARA KARWAYA JA SAKTA HAI AUR UN HAZRAAT KO BHI CHAHIYE KE ISTEKHARA US TAREEQA PAR KARIEN JIS KI NABI KAREEM SALLALLAHO ALAIHE WASALLAM NE UMMAT KO TALEEM DI HAI-

·       ISTEKHARA AUR TASHKEESH ME FARQ

AAM TAUR PAR JO GHALAT FAHMI ISTEKHARA KE SILSILE ME PAAYI JATI HAI WHO TASHKHEES AUR ISTEKHARA KO KHALAT MALAT KARNE KI WAJA KAR HAI  YEH BAAT PEHLE ZEHAN NASHI.N KARLE.N  KE ROOHANI ULOOM MASLAN ILM E JAFAR ILM RAMAL ILME NAJOOM ILMULAADAD ILMULKHWAB ILM E MURAAQBAH WAGHAIRA SE SAAIL KE KISI SWAAL KA JAWAB DIA JAYE  YA KISI ROOHANI YA JISMANI MARAZ KA ANDAZA LAGAYA JAYE TO ISEY ASTEKHARA KA NAAM NA DIA JAYE BALKE YEH TO EK ILMI ANDAZA AUR TASHKHEES KAHLAAYEGA JAB KE ISTEKHARA KI TAREEF AAP PICHHLE SAFHAAT ME PADH CHUKE HAIN MERE PAAS SAINKDO.N E MAILS AATE HAI.N JIN ME LOG YEH SAWAL LIKHTE HAI.N KE ZARA ISTEKHARA KARKE BATAYE.N HUMARE UPAR AUR HUMARE KROBAR KE UPAR KISI NE JAADU TONA TO NAHI KARWA DIA HAI ,KHABI KABHI MAIN SOCHTA HU.N  KE AAKHIR IN BECHARO.N KO KISNE BATAYA KE AISE SAWAALO.N KE JAWABAT ISTEKHARA KE ZARYE MALOOM KIA JATA HAI DAR ASAL IS GHALAT FEHMI ME MAINE AWAAM TO AWAAM MAINE KHWAAS KO MUBTALA PAYA HAI ,ISTEKHARA MUSTAQBIL QAREEB YA MUSTAQBIL BAYEED ME KISI KAAM KE KIYE JAANE YA NA KIYE JAANE KE SILSILE ME ALLAH RABBUL IZZAT SE MASHWARA KARNE KA NAAM HAI JABKE SEHAR JADU AASEB ,JISMANI O ROOHANI MARAZ,KAROBAR NA CHALNE KA SABAB ,MAALI NUQSANAT KI WAJAH,LADKIYO.N KE RISHTA NA HONE KI WAJAH, ZAN O SHOHAR ME NACHAQI KA SABAB,DOCTORS KE SAMAJH ME NA AANE WALE AMRAAZ KI TASHKHIS WAGHAIRA WAGHAIRA SAWALAAT KE JAWABAT ME JO BAAT KAHI JAYEGI USEY TASHKHIS KAHA JAYE GA YEH AM SAWALAAT HAI.N JO AWAM AAMILO.N AALIMO.N AUR ROOHANI PESHWAAO.N SE KARTI HAI SAWAL KARTE WAQT AAM LOGO.N KE ZEHAN ME ITNI BAAT TO ZAROOR HOTI HAI KE MAIN JIN SE SAWAAL KAR RAHA HUN UNKE PAAS KOI ROOHANI ILM MASLAN JAFAR WAGHAIRA ZAROOR HAI JISKI MADAD SE WHO MERE SAWALAAT KA TASHFFI BAKHSH JAWAB INAYAT KARENGE  ,MAIN SAMJHTA HU.N YEHA.N AWAAM KA KOI QASOOR NAHI ALBATTA UNKI GHALAT FEHMI KO DOOR KARNA CHAHIYE KE JO BHI JAWAB DIA JATA HAI USEY ISTEKHARA YA ISTEKHARA KA NATIJA KAHNA HARGHIZ DURUST NAHI BALKE ISEY EK ILMI ANDAZA AUR TASHKEESH KA NAAM DIA JAYE ,MUJHE UMMED HAI QARAEEN MERI IS MUKHTASAR GUFTUGHU SE ISTEKHARA AUR TASHKHEESH KA WAAZEH FARQ SAMAJH GAYE HONGE AB AISE HI KUCH GHALAT FEHMI FAAL AUR TASHKHISH KE MUTALLIQ BHI KAAFI MASHHOOR HAI INSHA ALLAH KISI NAHSISHT ME IS GHALAT FEHMI KA BHI IZALA KIA JAYEGA…

 Mohammad Imran Razvee Al Qadri

(Numeroligist & Spiritual Healer)

ADAD NIKALNE KA TARIQA اعداد نکالنے کا طریقہ (Method Of Reckoning Number By Abjad )

ADAD NIKALNE KA AASAN TARIQA

KISI BHI NAAM KA ADAD NIKALNE KA AASAN TARIQA YEH HAI KE NAAM KE HUROOF KO MUFARRAD YANI ALAG ALAG LIKH LE.N PHIR IN HUROOF KE ADAAD ABJAD QAMRI SE HAASIL KARKE SAB KO JAMA KARDE.N TO NAAM YA KISI BHI KALMA KA SAHEEH ADAD BAR AAMAD HOJAYEGA MASLAN HUME.N KASHIF KHAN KE ADAD NIKALNE HAIN TO YOU.N LIKHE.N GE

KAAFک	20
ALIFالف	1
SHEENش	300
FAف	80
KHAخ	600
ALIFالف	1
NOONن	50

IN SAB KO JAMA KARNE PAR 1052 ADAD NIKLA BAHISAAB ABJAD QAMRI YEH KASHIF KHAN KA ADAD MAKTUBI HAASIL HUA IS TARIQE SE AAP KISI BHI SHAI KA ADAD BA AASANI NIKAL SAKTE HAI.N

JADWAL ABJAD QAMRI YEH HAI

ا	ب	ج	د	ہ	و	ز	ح	ط	ی
1	2	3	4	5	6	7	8	9	10
ک	ل	م	ن	س	ع	ف	ص	ق	ر
20	30	40	50	60	70	80	90	100	200
ش	ت	ث	خ	ذ	ض	ظ	غ
300	400	500	600	700	800	900	1000

SUFI MOHAMMAD IMRAN RAZVEE AL QADRI

BARA BURJO.N KI KHASIYAT SIRF AURTO.N KE LIYE بارہ برجوں کی خاصیت صرف عورتوں کے لئے (Peculiarity Of Zodiac Sign For Women )

 BARA BURJO.N KI KHASIYAT SIRF AURTO.N KE LIYE

JIS AURAT KE WASTE DEKHNA HO USKA USKI MAA KE NAAM KE A’DAAD JODH JOD KAR BARA SE TAQSEEM KARE.N AGAR 1 BACHE TO HAMAL 2 BACHE TO SAUR 3 BACHE TO JOOZA 4 BACHE TO SARTAAN 5 BACHE TO ASAD 6 BACHE TO SUNBLA 7 BACHE TO MIZAAN 8 BACHE TO AQRAB 9 BACHE QAUS 10 BACHE TO JADDI 11 BACHE TODALU AUR AGAR PURA TAQSEEM HOJAYE TO HAUT JO ADAD HASIL HO USKA SAMRA DEKH LE.N

·        BURJ E HAMAL

SITARA USKA MAREEKH HAI-IS TAA’LA KI SURAT KHUSHRAFTAR,KHUSH GUFTAR, AQALMAND AUR HOSHIYAR HOGI-SEENA,GARDAN YA BAAZU PAR TIL HOGA JO NEK BAKHTI KA NISHAN HAI-JHOOT BOLNA AUR AMANAT ME KHAYANAT KARNA USKO SAAZGAAR NAHIN- JAB GAZABNAAK HONA AUR JALD HI GUSSA KA FARO HONA USKI AADAT ME DAKHIL HOGA-PADOS ME EK SHAKHS USKA DUSHMAN HAI USSE HOSHIYAR RAHE-AWWAL UMR ME BAHUT RANJO MUSIBAT UTHAYEGI-AAKHIR UMR ARAAM SE GUZRE GI WALDAIN SE RAHAT PAYEGI-SHOHAR AKSAR MEHERBAN RAHEGA  AULAAD HOGI MAGAR JIYEGI KAM-UMME SABYAAN(MASA-AN)KA FASAAD RAHEGA-DUA DAWA KARNE SE INSHAH ALLAH JATA RAHEGA-APNE DIL KA BHED KISISE NA KAHE WARNA NUQSAN UTHAYEGI-TEESRI AUR CHAUTHI SAAL KHAIRIYAT SE GUZAR GAYI TO 70 BARAS KI UMR TASAWUR KARNA CHAHIYE-SABZ  LIBAAS USKE LIYE MUBARAK O BEHTAR HAI-TAKSEER JINNA MAMUHITUL ASRAAR  EK TARAF AUR DUSRI  TARAF KHATIME HAMAL  GALE ME PADA REHNA AUR USI KA PAANI DHO DHO KAR PEENA NIHAYAT MUFEED RAHEGA-WALLAHO TA’ALA ALAM.

·        BURJ E SOOR

 SITARA ISKA ZOHRA HAI IS TAA’LA KI AURAT KHUSH KHALQ,NEK SEERAT,AQALMAND,KHUSH SUKHAN,DASTKAAR HOGI-CHAHIYE KISI KE SAATH KITNA HI SULOOK KYUN NA KARE-BADLA BURAI SE PAYEGI-USKE HAQ ME YE BAAT ACHI NAHIN KE JO KUCH DIL ME ATA HAI BE  SOCHE SAMJHE ZUBAN PAR LE ATI HAI-CHAHIYE KE APNA BHED  KISISE NA KAHE-EK SHAKHS NEELI AANKHON WALA-KUTAH QAD USSE DUSHMANI RAKHTA HAI LEKIN GALIB NA HOGA-KISI  KO QARZ DENA PASAND KAREGI MAGAR LENA PASAND NA KAREGI-KABHI KABHI MISL  AATISH KE GARAM AUR GUSSA ME APE SE BAHAR HO JANA LEKIN JALD HI THANDA PADH JANA AADAT  ME DAKHIL HOGA-MAA BAAP SE ITNI RAHAT PAYEGI KE DEGAR  BHAI BEHEN USE DEKH DEKH KAR KHAAR KHAENGE-SHOHAR MEHERBANI KAREGA KAHI.N AZRDA  KHATIR BHI HOGI THODI DER KE LIYE DARMIYANI UMR ME KUCH NISTI CHAND ROZ KE  LIYE AYEGI-UMR KA AAKHIR HISSA BEHTAR GUZREGA-KABHI KABHI KAMAR ME SHIDDAT KA DARD AUR SHANA KA KANPNA  AUR YE SHIKAYAT RAHM KI  KHARABI KE SABAB HOGI-AULAAD  BAHUT HOGI MAGAR JIYEGI NAHIN-USKO CHAHIYE KE USKE  SAR KI KANGHI KISI KO NA DE-APNE KHAAS BADAN KA KAPDA  KISI KO NA - 2 AUR 6 BARAS KI UMR KHAIR SE GUZAR JAYE TO UMR 60 BARAS KI TASAWUR KARNE CHAHIYE-SHABAN KA MAHINA JUMERAT KA DIN HAR KAAM KE LIYE MUBARAK HAI-EK TARAF NAQSH SURAH  IKHLAAS AUR DUSRI TARAF AKSEERE AZAM  MA KHATIM E SAUR USKE LIYE INSHAH  ALLAH TA’ALA BAHUT MUFEED HOGA-WALLAHO TA’ALA ALAM-

·        BURJ E JUZA

SITARA ISKA ATARAD  IS TAA’LA KI AURAT GUNDAM GO,BULAND QAD,NEK ZUBAN,REHEM DIL,KHUSH GUFTAAR,AUR HAR DIL AZEEZ HOGI-KISI AZU  ME EK TIL YA NISHAN RAKHTI HAI WO NEK BAKHTI KI NISHANI  HAI-APNO AUR PADOSIYON SE NEKI KAREGI-EWAZ  ME BADI PAYEGI-USE CHAHIYE KE APNE DIL KA BHED KISI KO NA DE-DUSHMAN BAKASRAT HAI-KHAAS KAR JISNE DO SHOHAR KIYE HAI KUTAH QAD SIYAAH CHASHM USSE BAHUT BUGZ RAKHTA HAI MAGAR YE DOST DUSHMAN KO NAHIN PEHCHANTI JOKUCH DIL ME ATA HAI KEH DALTI HAI-HAMESHA USKE KAAM ABTAR RAHENGE-CHAHIYE  KE KHUDA TA’ALA SE DUA MANGTI RAHE AUR  NAMAZ ME KAHELI NA KARE TAKE SITARE KI NAHUSAT DAFA  HO AUR APNI MURAD KO PAHUNCHE AKSAR SARDI AUR KHUSHKI KE SABAB ZAANO AUR PEDU EM DARD HONE KA IMKAAN  HAI-HAR KA MURABBA YAB GULQAND DO TOLA SOTE WAQT GARAM PAANI SE KHANA MUFEED HOGA-KISI SE ADAWAT PAIDA HO JAYEGI-12 AULADE QISMAT ME HAI MAGAR KAM JIYEGI AUR AASEB SE MUZARRAT PAHUNCHEGI-BUDH KE DIN SAR NA DHOYA KARE-NAYA CHAND DEKH KAR PAANI KO DEKHE-AGAR  2 BARAS YA 16 BARAS KI UMR KI BIMARI SE MEHFUZ RAHI TO  UMR 80 BARAS TASAWUR KI JAYE-TAKSEERE JINNA MA SAIFI  MA KHATIME JUZA  KE LIYE INSHA ALLAH NIHAYAT MUFEED HOGA-WALLAHO TA’ALA ALAM –

·        BURJ E SARTAAN

SITARA ISKA QAMAR  HAI-IS TAA’LA KI AURAT MIYANA QAD,ABRU KASHEEDAH,CHALAAK HOGI,SEENA PAR YA AUR AAZA PAR NEK BAKHTI KA NISHAN HAI-JIS QADAR BUZURG HOGI KAAM BHI BUZURG HOGA- UMR BHAR ME DO MARATABA NAHAS SITARE KE SABAB PARE-SHANI ME MUBTALA HO JAYEGI-DUSHMAN AUR BADGO BAHUT HONGE-ZAHIR ME LOG DOSTI KARENGE BATIN ME DUSHMANI-BAD NAZAR SE MAAL AUR AULAAD KA NUQSAN UTHAYEGI- APNI BAAT ME SACHI HOGI,JHOOT KO DUSHMAN SAMJHEGI-KISI QISM KA HARAAM MAAL US KO SAZAWAAR NAHIN-EK BADI  BAHRI MUSIBAT  QISMAT ME HAI-DUSHMANI AUR BADGOI USKE HAQ ME PEHLE USKE APNO HI SE NIKLEGI-WALDAIN SE NAFA KAM PAYEGI-APNE DIL KA HAAL KISI SE NA KAHE-US PAR TOHMAT AUR IFTRA BAHUT HOGA-RANJ BAHUT UTHAYEGI-AULAAD HOGI MAGAR JIYEGI KAM BIMARI AKSAR SARDI KHUSHKI AUR DARDE KAMAR SE HOGI-CHHACH AUR KHATTAI SE PARHEZ  KARE-GUL SURKH SHEHED KE SAATH MAJUN KARKE KHAYE-EK  SHAKHS NEELI AANKH WALA USKE AUR USKE SHOHAR KE DARMIYAN DUSHMANI KARADEGA-KABHI KABHI SHOHAR KE SAATH  ZUBAN DARAZI BHI KAREGI-CHAHIYE KE USKO TARK KARE- NAMAZ ME KAHELI NA KARE-UMR 30BARAS YA 80 SAAL TAK-USKE LIYE SHAWAAL KA MAHINA MUNGLE KA DIN HAR KAAM KE LIYE MUBARAK HOGA-GAYE  BHAINS KA HONA AUR SABZ RANG  KE LIBAAS KE LIYE MUBARAK HOGA-NAQSH JAMIUL MATLOOB MA KHATIME SARTAN INSHA ALLAH USKE LIYE BAHUT MUFEED HOGA-WALLAHO  TA’ALA ALAM –

·        BURJ E ASAD

SITARA ISKA SHAMSH HAI-IS TAA’LA KI AURAT BULAND QAAMAT,NEK KHU,KHUBSURAT, KHUSH KHALQ,FARAKH ROZI HOGI-ZINDAGI HANSI KHUSHI SE  GUZARE GI-MAGAR AWWAL ME RANJO MUSIBAT BAHUT UTHAYEGI-USKE HAATH ME GUN NAHIN HOGA-BADLA NEKI KA BADI PAYEGI-PEHLE KUCH TAKLEEF UTHAYEGI-BAAD ME SAB BIGDE KAAM BAN JAYENGE-AATISHE MIZAAJ HOGI-KABHI KABHI  ZUBAN DARAZI BHI KAREGI-NAMAZ ME KAHELI HARGIZ HARGIZ NA KARE-EK SHAKHS USKE MAAL ME KHAYANAT KAREGA-HOSHIYAR RAHE-WALDAIN SE AWSAT NAFA RAHEGA-AULAAD HOGI MAGAR SHAYAD KAM JIYEGI-DARDE KAMAR,KHUSHKI,DARO  ZAANO WAGAIRA SE BIMAR RAHEGI-QAND KHAYA KARE-CHARE HUE JANWAR MUBARAK HAI-NAYA CHAND DEKHKAR  SUNHERI RUPEHLI CHEEZ DEKHE-UMR TABA’EE HOGI-NAQSH  JAMIUL MATLOOB  MA KHATIM E ASAD APNE PAAS RAKHE INSHA ALLAH KAAR  AAMAD HOGA-WALLAHO TA’ALA ALAM –

·        BURJ E SANMBLA

 SITARA ISKA ATARAD  HAI-IS TAA’LA KI AURAT,KHUSH SHAKL,ABRU KASHEEDAH,RANG SURKH YA SAFED,AAZA PAR EK TIL IZZAT O IQBAL KI NISHANI HAI- APNE BAAZ AZEEZO SE JUDA HO JAYEGI-DOST BAHUT HONGE EK SHAKHS BULAND QAD SANWLA RANG,SABZI MAEL USKA  DUSHMAN HAI USSE HOSHIYAR RAHE-JHOOT BOLNA USKO SAZAWAR NAHIN HOGA-US PAR BOHTAN BAHUT HOGA-LEKIN KOI KUCH BIGAD NA SAKEGA-JAHIL AADMIYAON KE PAAS NA BAITHE-KUCH DINO KISI AISI CHEEZ KI TAMANNA ME DIL BASTAGI RAHEGI JISKA TARK O HUSOOL DONO GAIR MUMKIN HONGE- BHED APNA KISISE NA KAHE TO MURADE.N  HASIL HONGI-WALDAIN NIHAYAT MUHABBAT KARENGE-BEHEN W BHAI AZIYAT  O TAKLEEF PAHUNCHAYENGE-ISKA QADAM SHOHAR KE LIYE MUBARAK HOGA-TAAK AULAAD QISMAT ME HAI-UMR TABA’EE  HAI-NAQSH JAMIUL MATLOOB MA KHATIM SUNMBLA  INSHA ALLAH USKO BAHUT MUASSAR HOGA-WALLAHO TA’ALA ALAM –

·        BURJ E MIZAAN

 SITARA ISKA ZOHRAH  HAI-IS TAA’LA KI AURAT KE AAZA PAR EK TIL YA KOI NISHAN HOGA WO IQBAL KI NISHANI HAI-FARAKH ROZI HOGI-ZINDGANI AISH O SHADMANI SE GUZAREGI-EK ZAMANA SAKHTI KA US SAR  PAR GUZARNE WALA HAI-DUSHMAN AUR BADGU BAHUT HAI  LEKIN KOI GALIB NA HOGA-EK MUDDAT TAK KISI AISI CHEEZ KI  TAMANNA ME DIL BASTAGAI RAHEGI-JIS KA CHODNA AUR MILNA MUMKIN  NA HOGA-CHAHIYE KE IFFAT AUR PAAK DAMANI IKHTIYAR KARE TO BIGDE KAAM SAWAR JAYENGE-AWWAL MUSIBAT AKHIR KO AISH HAI-AATISH MIZAAJI KI WAJAH SE KUFR KE KALEMAT KEH BAITHTI HAITARK KARNA CHAHIYE-HARAAM CHEEZ SE BILKUL PARHEZ KARE-SHOHAR MEHERBAN RAHEGA-BIMARI AKSAR BALGHUM SAFRA  SE  HOGI-AANKHON KE NEECHE  ANDHERA SA MALUM HONE LAGEGA-AKSAR KUCH AISI  HAALAT  RAHEGI KE NA TO BIMAAR NA TANDURUST-DUA MANGNE  SE SAB MURADE HASIL HONGI-UMR 3 BARAS YA 90 BARAS YA TABA’EE HOGI-RANGEEN KAPDE MUBARAK HONGE-SURAH IKHLAAS MA SAIFI MA KHATIM E QAUS  INSHA ALLAH USKE LIYE BAHUT MUSAR HAI WALLAHO TA’ALA ALAM –

·        BURJ E AQRAB

 SITARA ISKKA MAREEKH  HAI-IS TAA’LA KI AURAT KHUSH MIZAAJ KHUSH RAFTAAR SEENE PAR EK TIL YA AUR KOI NISHAN RAKHTI HOGI  WOH  NEK BAKHTI KI  NISHANI HAI-ROZ BAROZ USKA SITARA TARAQQI PAR HAI-RANJO MEHNAT BAHUT UTHAYEGI-CHAHIYE KE BADO.N  KI NASIHAT QUBOOL KAR LIYA KARE-DIL KA BHED KISISE NA KAHE-EK MARTABA KUCH DHOKA KISISE UTHAYEGI-SABR KARE  AUR GUSSA KO TARK KARE-ZINDAGI HANSI KHUSHI GUZAREGI-  BADI AUR SARDI MADAH WAGAIRA KE SABAB AKSAR BIMARI  HOGI-DARDE SAR DARDE KAMAR AUR DIL KA KAANPNA BHI USKE SAATH HAI-DIL ME SANSANI AUR BOJH SA MALUM HONE KI SHIKAYAT KASRAT SE RAHEGI-WALDAIN SE FAIZ PAYEEGI-BEHEN BHAI SE WAFA KAM AULAADE KAI HAI-LEKIN EK SE ARAAM  PAYEGI-UMR 30 SAAL YA TABA’EE HOGI-ZEEL KA NAQSH INSHA ALLAH TA’ALA USKO MUSAR HOGA-WALLAHO TA’ALA ALAM  NAQSH SURAH NASR  MA KHATIM E AQRAB

·        BURJ E QOOS

SITARA ISKA MUSHTARI  HAI- IS TAA’LA KI AURAT KI TEEN SURATIEN HAI-AWWAL SAFED RANG,FARAKH ROZI,DUSRE KHUSH KHALQ,TEESRE GAREEBDOST AUR MEHERBAN-PEHLU ME KOI TIL YA NISHAN HAI WO DAULAT KI NISHANI HAI WASEEULQALB AUR KHUDA KI TARAF  DIL KO RUJU KARNE WALI-BAAT KI SACHI-JHUTO KI DUSHMAN USKO EK NUQSAN PAHUNCHEGA MAGAR ALLAH TA’ALA  EWAZ  BHI ATA FARMAYEGA-KISI AISI JAGAH SE FAYEDA HOGA-JAHANSE  GUMAN BHI NAHO-KHAYANAT NA KARE-IBADATE KHUDA ME GHAFLAT NA BARTE-HAR MURAD ASAANI SE HASIL HOJAYA KAREGI-JISSE DOSTI KAREGI DUSHMANI PAYEGI-DUSHMAN BAHUT HAI-BAAZ WAQT BAHUT MAYOOS HO JAYA KARTI HAI-AUR APNI MAUJUDA ZINDAGI SE GHABRAKAR MAUT KO TARJEEH DENE LAGTI HAI-SABR KARNA CHAHIYE-SAARE KAAM BAN JAYENGE-WALDAIN SE MAMULI FAYEDA-BEHEN BHAI SE RAHATO KHUSHI HASIL HOGI-BIMARI AKSAR  RATUBATE  SAFRA MEDA AUR ANDRUNI SE HOGI-SONTH SHEHED MILAKAR KHAYA KARE-UMR 4 BARAS 7 BARAS YA 80 BARAS HAI-NAQSH MUKHAMMAS MA KHATIME QAUS  USKE LIYE INSHA  ALLAH TA’ALA MUFEED HOGA-WALLAHO TA’ALA ALAM –

·        BURJ E JADI

SITARA ISKA ZOHAL  HAI-IS TAA’LA KI AURAT BA MURAWWAT,HOSHIYAR FARAKH  ROZI HOGI-EK AZAAR SAKHT USKI QISMAT ME HAI-DILI BHED KISI KO NA BATAYE-KISI KE LIYE KITNA HI MUSIBAT JHELE MAGAR USKI QADR O MANZILAT KOI NA JANEGA-SACHAYI PASAND HAI-KUCH DINO KISI AISI SHAI KI MUHABBAT ME MUBATALA  RAHEGI KE NA TO WO SHAI MIL SAKTI HAI NA USE YE CHHOD HI SAKTI HAI-HAMESHA FIKRO ANDESHA ME REHTI HAI-AKSAR  MAYOOS HO JAYA KARTI HAI-THODE DINO BAAD MURAADE DIL  HASIL HOGI-PADOSIYON SE MUHABBAT KARKE BADI PAYEGI- KABHI KABHI SHOHAAR SE RANJISH HO JAYA KAREGI-AULAAD  ZYADA HAI MAGAR JIYEGI KAM AULAAD KE NA JEENE KI WAJAH  YE HAI KE SHOHAR USKA QABRISTAN GAYA THA WAHA KISI KO USSE NUQSAN PAHUNCHA THA-RAHAM KE ANDAR HAWA KA  KHALAL HAI AANKHON KE TALE ANDHERA SA CHANE LAGTA HAI AUR DIL ME RA’SHA SA PHAIL JATA HAI-BADAN ME SUSTI AUR  KAHELI REHTI HAI-KHATAI WAGAIRA SE PARHEZ KARE-SONTH, JOOZ,GULE KAASNI,SHEHED ME MILAKAR KHAYA KARE-UMR  TABAA’EE HAI-ZEL KA NAQSH INSHA ALLAH TA’ALA USKO BAHUT MUSAR HOGA-WALLAHO TA’ALA ALAM-YANI NAQSH SURAH  NASR MA SURAH IKHLAAS DO TARFA  MA KHATIM E JADI

·        BURJ E DALU

 SITARA ISKA ZOHAL  HAI-IS TAA’LA KI AURAT JAZIB NAZAR BA MURAWWAT W KAMRAN HOGI-US PAR TOHMATO BOHTAN BAHUT HOGA-LEKIN  IZZAT ME FARQ NA AYEGA-UMR ACHI TARAH KATEGI-ALBATTA  DARMIYAN ME KUCH DIN PARESHANI ME GUZRENGE-WALDAIN  SE NAFA AUSAT-BHAI BEHEN SE BHI WAFA KAM-SHOHAR MEHERBANI KAREGA UMR TABA’E HOGI-NQSH SURAH FATEHA EK TARAF AUR DUSRI TARAF AKSE- ERE AZAM  MA KHATIM E DALU GALE ME DAAL LE-INSHA ALLAH PANAH ME RAHEGI WALLAHO TA’ALA ALAM .

·        BURJ E HAUT

SITARA ISKA MUSHTARI  HAI- IS TAA’LA KI AURAT ABRU KASHEEDAH,HAR DIL AZEEZ HOGI-RANJO MAHAN BAHUT SAHEGI-AATISH MIZAAJ,HAATH  ME KOI KHAAS GUN NAHIN-JISSE NEKI KARTI HAI WOHI GEEBAT KARTA HAI-DUSHMAN BAHUT HAI-SHOHAR SE KABHI KHILAAF  NAHO-NAMAZ ME GAFLAT NA BARTE-SHOHAR KI FARMABARDAAR HAI-SAB BALAE RAD HO AUR MURADE DIL HASIL HO-DUSHMAN PAMAAL HO-USKI ZINDAGI AUSAT HAI-BIMARI AKSAR  DARDE SAR,AUR DARDE GARDAN SE RAHEGI-UMR 2 BARAS YA 90 BARAS YA TABA’EE-RAMZAN KA MAHINA JUM’AA KA DIN  HAR KAAM KE LIYE BEHTARO MUBARAK HAI-INSHA ALLAH ZEL KA NAQSH USKE LIYE NIHAYAT KAAR AMAD HOGA-WALLAHO TA’ALA ALAM-AKSEERE AZAM MA SAIFI  MA KHATIM E HAUT