Monday, May 15, 2023

Saiyiduna Mahdiun ﷺ Parhne Ke Barakaat سَیِّدُنَا مَھدِیٌﷺ پڑھنے کے برکات (The Blessing Of Reading Saiyiduna Mahdiun ﷺ)

 

سَیِّدُنَا  مَھدِیٌﷺ پڑھنے کے برکات

اس اسم پاک کے اعداد انسٹھ (59) ہیں اور اس کے معنی ہیں ہدایت والے حضور نبی کریم علیہ الصّلوٰۃ والسّلام کے اس اسم پاک کو بکثرت پڑھنے والا بفضل باری تعالےٰ کبھی راہ حق سے نہیں بھٹکے گا ہمیشہ صراط ِ مستقیم پر گا مزان رہے گا جو یہ چاہے کہ اللہ تعالیٰ اس پر اپنا خصوصی فضل وکرم نازل فرمائے اس کے گناہوں کی معافی عطا فرمائے اور اسے حق کی راہ پر استقامت عطا فرمائے تو وہ ہر نماز کے بعد 59 مرتبہ اس اسم پاک کو پڑھنے پر مدادمت کرے انشاء اللہ تعالےٰ اسے مطلوبہ مقصد میں کامیابی حاصل ہوگی جو کوئی کھانا کھانے سے پہلے دس مرتبہ پڑھے تو اللہ تعالےٰ کے فضل وکرم سے کھانا ہضم ہو جائے اور کبھی بد ہضمی کی شکایت پیدا نہ ہو پیٹ اور معدے کے جملہ امراض سے محفوظ رہے مگر چاہیئے کہ یقین کامل اور خصوصی نیت پڑھے ۔ اگر کسی کا بچہ یا بچی نافرمان ہوں اور اچھی باتوں پر دھیان نہ دھرتے ہو ں تو چاہیئے کہ باوضو حالت میں اُنسٹھ مرتبہ یہ اسم پاک پڑھ کر پانی پر دم کرے اور نافرمان کو یہ دم کیا ہوا پانی پلادے روزانہ اسی طرح کرے انشاء اللہ تعالےٰ نافرمان اولاد راہ رِاست پر آجائے گی اورتا بعداری کرے گی۔

 


Thursday, May 11, 2023

Shaitani Asarat Ka Ghar Se Khaatma گھر سے اثراتِ بد اور شریر جناتوں کو دفع کرنا (Eliminating evil influences from the house)

از صوفی محمد عران رضوی القادری

گھر سے اثراتِ بد اور شریر جناتوں کو دفع کرنا

کسی مکان میں میں اگر اثرات بد ہو اور اس وجہ سے اس گھر کے مکین ہمیشہ بیمار رہتے ہوں یا آپس میں لڑائیاں ہوتی ہیں ،بچے عورتوں رات کے وقت اکثر چونک جایا کرتے ہوں تو چاہئیے کہ افراد خانہ نمازوں کی پابندی کریں گھر کو صاف ستھرا رکھیں اور یہ عمل چالیش شب کرے یا کسی نمازی شخص سے کر وائے کہ بعد نماز مغرب سات مرتبہ اس قدر آواز سے اذان کے کلمات پڑھے کہ گھر کے چاروں کونوں میں آواز پہنچ جائے پھر اس کے فورًا بعد سورہ بقرہ کی بیس آیتیں الم ذلک الکتب سے ان اللہ علی کل شئی قدیر تک ایک مرتبہ پڑھ کر ایک باتل پانی میں دم کرے ،اس پانی کو مکان کے چاروں گوشوں میں چھڑک دے اور بچا ہوا پانی افراد خانہ تھوڑا تھوڑا پی لیں  ان شاء چالیس شب ایسا کرنے سے گھر ہر قسم کے بد اثر سے پاک ہو جائےگا ۔اس عمل میں نیت تعوذ کی کرنی ہے  یعنی اعوذ باللہ من الشیطان الرجیم  شیطان مردود سے اللہ کی پناہ اس چلے کی نیت ہو جیسے بچہ ڈر اور خوف کے وقت ماں کی گود سے چمٹ جاتا ہے کیوں کہ ماں کی گود بچے کے لئے سب سے عظیم پناہ گاہ سب سے عظیم حصار ہوتی ہے  ایسے ہی آپ کو مع افراد خانہ یہ نیت کرنی کہ ہم   اللہ تعالیٰ سے پناہ مانگنے ہیں کہ اس قادر مطلق  کی رحمت اور اس کی سلامتی اور اس کی حفاظت ہم سب کو اپنے حصار اور احاطے میں لے لے  بس یہ  نیت کرنی ہے  علاوہ اس کے کوئی ہرگز یہ نیت نہ کرے کہ میرے پڑھنے سے جنات شیطان بھاگ جائے گا  یا میں بھگا دوں گا اگر ایسا سوچ کے کرے گا تو فائدہ نہ ہوگا البتہ پریشانی بڑھ جانے کا اندیشہ ہے ۔لہذا اثرات ِ بد یا شیاطین جنات سے دو دو ہاتھ کرنے کی نیت ہرگذ نہ کرے باقی اس میں کوئی خطرے اور اندیشے کی بات نہیں اور جن حضرات و خواتین کو یہ عمل کرنا ہو وہ ادارے میں اطلاع دے کر کرے تو ان شاء اللہ یہاں سے خصوصی دعاء اور توجہ کا بھی اہتمام کیا جائےگا ۔اللہ تعالیٰ ہم سب کو شریر جنات اور شیاطین کے بد اثرات سے محفوظ فرمائے آمین۔




 

Wednesday, May 10, 2023

Saiyiduna Haadiun ﷺ Parhne Ke Barakat سَیِّدُنَاھَادِیٌ ﷺ پڑھنے کے برکات (Blessings of reading Sayyiduna haadiun ﷺ)

سَیِّدُنَاھَادِیٌ ﷺ پڑھنے کے برکات

 اس اسم پاک کے اعداد بیس(20) ہیں اور اس کے معنی ہیں ہدایت دینے والے ہدایت عطاکرنے والے ۔ حضور نبی کریم علیہ الصّلوٰۃ والسّلام کے اس اسم مبارک کو پڑھنے کا فائدہ یہ ہے کہ جو کوئی اس بات کا خواہاں ہو کہ پر وردگار عالم اسے حق کی ہدایت عطا فرمائے  تو وہ ہر نماز کے بعد اکیس مرتبہ اسم پاک پڑھ کر دُعامانگ لیا کرے انشاء اللہ تعالےٰ صراطِ مستقیم پرگا مزن ہوگا اللہ تعالیٰ راہِ ہدایت نصیب فرمائے گا۔ ایمان کی سلامتی اور دین حق کی سمجھ سے سرفراز فرمائے گا ۔ دل میں برائیوں سے نفرت کا جذبہ پیدا ہوگا اور نیکی  کے کاموں کی رغبت وتوفیق مرحمت ہوگی ۔ اگر کوئی جنگل یا بیابان میں یا کسی بھی مقام پر راستہ بھول گیا ہو اور کوئی راستہ دکھانے والا نہ ہو تو  بیس مرتبہ یہ اسم پاک پڑھے انشاء اللہ تعالیٰ صحیح راستہ مل جائے گا پریشانی اور مشکل رفع ہو جائے گی ۔ اللہ تعالیٰ اپنے خصوصی فضل وکرم سے نوازے گا ۔ 

Saiyiduna Taha ﷺ Parhne Ke Barakatسَیِّدُنَا طٰہٰ ﷺ پڑھنے کے برکات

 

سَیِّدُنَا طٰہٰ ﷺ پڑھنے کے برکات

 اس اسم پاک کے اعدا د (14) ہیں ۔ حضُور نبی کریم علیہ الصّلوٰۃ والسّلام کے اس اسم مبارک کے معنی بہت سے علماء کرام نے بیان کیئے ہیں بعض نے خاموشی اختیار کی ہے چنانچہ اس ضمن میں "شرح المواھب "میں علامہ زرقانی رحمتہ اللہ تعالیٰ علیہ تفسیر واسطی کے حوالے سے تحریر فرماتے ہیں کہ اس اسم پاک کے معنی ہیں اسے انسان ائے آدمی  اے طاہر اور ائے ہادی 'اور ان تمام معانی میں رخ حضرت محّمدمصطفےٰ صلی اللہ علیہ وسلم کی ہی طرف ہے ۔ بعض علماءنے یہ معنی مراد لیے ہیں ۔ کہ ائے گناہوں سے پاک  ومنزہ اور مخلوقِ باری تعالیٰ کے رہنماوہادی ۔ اس ضمن ہیں انہوں نے ط سےمراد طہارت اور ہ سے مراد ہدایت ہے۔حضور سرور کائنات صلی اللہ علیہ وآلہ وسلم کے اس اسم پاک کو پڑھنے سے  بہت سی برکات حاصل ہوتی ہیں اللہ تعالیٰ نعمت وبرکات سے سر فراز فرماتا ہے ۔ جو کوئی کسی اچھے کام کا آغاز کرتے وقت بکثرت یہ اسم پاک پڑھے تو انشاء اللہ تعالیٰ اُسے اپنے مقصد میں کامیابی حاصل ہوگی اور کام حسب منشاء ہوگا ۔ نئے کاروبار کا آغاز کرتے ہوئے باوضوحالت میں قبلہ رُخ بیٹھ کر بکثرت اس اسم پاک کی تلاوت کرے تو انشاء اللہ تعالیٰ کاروبار میں خیروبرکت پیدا ہوگی اور کاروبار خوب پھلے پُھولے  گا اللہ تعالیٰ خصو صی فضل وکرم نازل فرمائے گا ان شاء اللہ۔

                                 

 

Sehar Zada Ki Pehchan سحر زدہ کی پہچان (Recognition of the bewitched)

 


سحر زدہ کی پہچان

ہر بیماری اپنی علامات سے پہچانی جاتی ہے۔علامات نہ ہو تو بیماری کا پتہ نہیں چل سکتا ۔جادو لاعلاج ہرگز نہیں ہے یہ اور بات ہےکہ علاج ذرا صبرآزماہے۔ذیل میں سحر زدہ پر جادو کے بد اثرات سے جو علامات ظاہرہوتی ہے۔درج کی جاتی ہیں تاکہ آپ مسحور کی پہچان کر سکیں۔کہیں ایسا نہ ہو کہ آپ سحر زدہ کا جسمانی علاج کرتے رہیں کیوں کہ سحر زدہ کا شافی علاج روحانی علم سے ہی کیا جاسکتا ہے اس لیے علامات سے آگاہی ضروری ہے۔علامات سحر مندرجہ ذیل ہیں۔

1۔ایک سحر زدہ انسان یا جادو زدہ فرد کا زندگی کے معاملات میں رویہ بالکل ایساہوتا ہے جیسا کے شوگر اور دل کے مریض کا یعنی مریض چڑ چڑ ا اور بہت زیادہ حساس ہو جاتا ہے۔ بات بات پر رونے دھونے اور لڑنےجھگڑنے کے لئے تیار رہتا ہے ذہنی طور پر بے زاری کا شکار اور ہر اس شے سے جو کچھ روز قبل اسے پسند تھی۔ نفرت کرنے لگتا ہے۔

2۔ شیطانی اعمال اسے بہت اچھے معلوم ہونے لگتے ہیں اور ماضی کے کردار اسے پسند آنے لگتے ہیں۔ہر برا کام اسے اچھا لگنے لگتا ہے۔وہ ما ضی کی طرف بار بار لوٹ جاتا ہے اور جن سے اسے کبھی رغبت رہی ہو، انہیں شدت سے یاد کرنے لگتا ہے اور مستقبل کے بہت سے خواب اور بہت سے خدشات اسے گھیرتے ہیں یعنی اگلے پچھلےاعمال میں شیطان اسے الٹا پلٹا دیتا ہے۔

3۔ مریض خود کو بد قسمت جاننے لگتا ہے اور اللہ  تعالیٰ کی رحمت سے مایوس ہوکر کفر کی راہ اختیار کرلیتا ہے۔تمام اچھے کام ایک ایک کرکے چھوٹ جاتے ہیں اور بُرے کاموں میں اضافہ ہونے لگتا ہے۔

4۔مریض  کو کچھ سمجھایا جائے تو وہ سمجھنےکے لئے تیار  نہیں ہوتا ۔ ہر بات رد کرتا ہے اور پاگلوں کی طرح شیطانی اعمال کی طرف رجوع کرتا ہے۔

5۔مسحور پر جادو کا حملہ ہوتا ہے تو اس کی سانس اکھڑ جاتی ہےاور دل زور زور سے دھڑکنے لگتا ہے۔ ایسے میں مریض  کےدل پر ہاتھ رکھ کر دیکھا جا سکتا ہےکہ وہ کس قدر قابو سے باہر ہو رہا ہے۔ اگر پورے گھر میں جادو  کا اثر ہو تو ہر ایک لڑنے مرنے پر اتر آتا ہے۔

6۔مسلسل جادو کے زیرِ اثر رہنے والے مریضوں کے بال اترنے لگتے ہیں یہاں تک کہ بعض گنجے ہو جاتے ہیں۔

7۔ جادو سے بعض اوقات مریض بالکل پاگل ہو جاتا ہے اور اپنا ذہنی توازن کھو بیٹھتا ہے۔

8۔جادو زدہ شخص کا نماز میں  دل نہیں لگتا یا نماز میں دل لگا نہیں پاتا۔

9۔جادو زدہ گھر میں اگر جانور یا پرندےہوں تو ان کے بھی بال و پر جھڑنے لگتے ہیں اور گھر پر جادو کے شدید حملے کی صورت میں وہ کھانا پینا یکسر ترک کر دیتے ہیں اور چند روز بیمار رہ کر مر جاتے ہیں۔ بعض اوقات کپڑوں یا دیواروں پر خون کے چھینٹے بھی نظرآتے ہیں۔

10۔اگر سحر زدہ مریض کوئی لائق طالب علم ہو یا طالبہ ہو تو علم کے حصول سے اس کی دل چسپی ختم ہو جاتی ہے۔دماغ سست رہنے لگتا ہے اور بعض اوقات تو بالکل الٹ جاتا ہے۔ کالجوں اور یونیورسٹیوں میں ایسے جادو زدہ طالب علم اچانک آنا بند کر دیتے ہیں۔اور یہ سمجھنے لگتے ہیں کہ وہ علم حاصل کرنے کے قابل نہیں رہے۔یوں وہ امتحان میں ناکام ہو جاتے ہیں۔ بالخصوص مقابلے کے امتحانوں میں اس قسم کی صورت حال بار بار دیکھنے میں آتی ہے۔

11۔جادو زدہ مرد،عورت ، کے  سر میں مسلسل درد رہتا ہےجو ادویات سے ٹھیک نہیں ہوتا ۔ جسم انتہائی تھکا ہوا محسوس ہوتا ہے۔تھکاوٹ کا احساس بہت ہی زیادہ ہو جاتا ہیں۔صبح اٹھ کر بھی تازگی کا احساس نہیں ہوتا۔نیند نا آنے کی شکایت بھی اکثر پیدا ہو جاتی ہے یا پھر ضرورت سے زیادہ نیندآتی ہے اور اہم کام نہیں ہو پاتے ۔ گردن کے پچھلے حصے پر بوجھ اور کھینچاؤ رہتا ہے اور بائیں طرف کی پسلیاں گرفت زدہ محسوس ہوتا ہے۔ان تاریک جگہوں پر رکنے سے یہ تین بیزار اور سست رہتی ہے۔

12۔ گھر کے سنسان اور تاریک کونوں اور کمروں سے خوف محسوس ہوتا ہے۔ان تاریک جگہوں پر رکنے سے یہ تین چیزیں محسوس ہوتی ہے۔

(الف) جسم میں عجیب سی سر سراہٹ اور سر کو چڑھتی ہوئی چیونٹیاں سی۔

(ب) جسم کے بائیں جانب بوجھ یا عجیب سی حرارت۔

(ج)سرکے بال سرکٹے محسوس ہوتے ہیں۔ جسم اور آواز دونوں بھاری ہوجاتے ہیں۔

13۔گھر میں عجیب سی بو پھیلی رہتی ہے۔بعض اوقات ایسی بدبو کے جھونکے آتے ہیں کہ جیسے کوئی زخمی پٹیاں کھول رہا ہو اور بعض اوقات گندگی کی بھی بدبوآتی ہے۔

14۔جسم سے جب ہو اسی گزرتی محسوس ہو یعنی ایسا لگے کہ جسم جالی دار سی کوئی شے ہے اور سرسراہٹ کے ساتھ کوئی ہوا سی یا تو اس میں داخل ہو رہی ہےیا گزررہی ہےتو سمجھ لیں کہ جادو کا حملہ اپنے عروج پر ہے۔

15۔اذان سے قبل سخت نیند کا غلبہ ہوتا ہے اور جسم تھکاوٹ سی اور بخار سا ظاہر کرتا ہے۔

16۔حملے کی شدت میں مسحور  گھر کی اشیاء توڑنے یا      پر برسنا اور سخت زبان میں بولنا شروع کردیتا ہے ۔ ایسا شخص بات بات پر جھگڑا کرنے لگتا ہے، اور عجیب فساد پیدا ہو جاتا ہے۔

17۔مسحور مریض کا چہرہ سخت تنا ہوااور رنگ زدہ ہو جاتا ہے ۔لہجہ بے رحم اور سمجھ بوجھ رخصت ہو جاتی ہے کمزور بھی طاقت ور بن جاتا ہے۔ ایسے مریض کو اگر بد کلامی کرنے پر مارا پیٹا جائے تو اسے کوئی تکلیف محسوس نہیں ہوتی اور اس کا مزاج اور  بر ہم ہو جاتا ہے ۔ پھر جادو کا حملہ دور ہو جانے کے بعد مریض  پشیمان اور افسر دہ ہو جاتا ہے۔

18۔ جس شخص پر جادو کیا گیا ہو، اس کے معدےمیں مسلسل درد رہنا اس بات کی علامت ہے کہ اسے جادو کا عمل پلایا گیا ہے یا کھلا یا گیا ہے ۔

 


Sunday, May 7, 2023

Kashf Yaksui Aur Quwat e Iradi Ka Amal | Amil Ke Dil Me Ilham Ho (Video)

اس عمل کی برکت سے یکسوئی کشف اور قوت ارادی کی دولت ملے گی اور عاملین کے لئے ایک نسخہ کیمیا ہے جس کی بدولت مریض کے احوال اور علاج سے واقفیت حاصل ہو سکے گی ان شاء اللہ۔



 

Friday, May 5, 2023

Amaliyat Course Update May 2023

 

Important Updates

بسم اللہ الرحمن الرحیم

احباب کو یہ اطلاع دی جاتی ہے کہ یکم جون سے عملیات کورس کے پہلے اور دوسرے مرحلے کے چلوں کو ہدیہ بڑھا دیا جائےگا لہذا جو احباب یکم جون سے قبل ہدیہ جمع کرائیں گے وہ ابتدائی نو چلوں کا نو ہزار نو سو اور دوسرے مرحلے کو نو چلوں کا ستائیس ہزار جمع کرائیں ۔یکم جون کے بعد ہدیہ تقریباً دگنا ہوگا۔

Dukan Ki Taraqqi Ka Amal | Naqsh Ism Ya Basit | Ghar Me Khair O Barkat (Video)


 

Featured Post

AL AUFAAQ (Vol-14) الاوفاق

Book Your Copy Now +91-9883021668