Saturday, May 14, 2022

LAUHE TASKHEER KHALQ JAFRI KA TARIQA E KAAR لوح تسخیر خلق جفری کا تریقہ کار

 


 Lohe Taskheer e Khalq ka tareeqa e kaar aur iske lauh ki mukhtasar khaasiyat darj ki jati hai.

Is Loh ko pas rakh kar jis mehfil me jaayen logon ki tawajja ka markaz bane

Is Loh ke haamil ke liye har mard o aurat ke dil me be panah izzat qaaim ho

Loh e mazkoor ko apne paas rakhne wala kisi se kuch talab kare to usey zaroor mil jaye

Agar kisi hakim ya leader se apni baat manwani ho to who zaroor mane ga

Kisi jaani dushman ka saamna karna pare to is loh ko apne paas rakhen koi nuqsaan harghiz na ho

Agar kisi par rupai nikal raha ho to is loh ki barkat se uska dil paise dene par aamada ho jayega

Koi shakhsh bank se qarz lena chahta ho to is Loh ke wasile se rukawat door ho jayengi

Apne pasand ki jagah shadi karne ke liye is Loh ko apne pas rakhen

Agar ladki ya ladke ke baaz rishtedaar shadi me rukawat bante ho to iska hall nikal jaye

Susraal me jin bahuwon ko izzat nahi milti yeh Loh unke liye bepanah izzat aur hifazat ka sabab banta hai

Doctor ,wakeel , samaji leader  dokandar waghaira aise log jinki aamdan ka madaar logon ki aamad o raft par ho yeh Loh unke liye ek nemat hai

Is Loh ka haamil khwah mard ho ya aurat uske chehre me ek ajeeb si kashish paida ho jati hai

Khubsoorti me mazeed izafe ki khatir is loh ka istemal nihayat mujarrab hai

Jisne purani dushmani ho unke dil bhi is loh ke rakhne wale ke liye pighal jate hain

Is loh ko istemal me laane wale ki aisi shohrat ho ke har shanasa hairaan o shasisdr rah jaye

Gharaz yeh ke taskheer e makhlooq ka ek ajeeb tilism hai jiske khwas bohat ziada hain aqalmand ke liye mahaz ishara kafi hota hai ab aaiye is loh ke banane ka tareeqa mufassal mulahiza kare’n jo youn hai

aayat taskheer me se kisi aayat ka intekhab kia jaye maslan لقد جاءکم رسول الخ le iske adad me apne naam ma walida ke adad shamil karle’n aur phir 41 tafreeq kar dale’n aur jo bar aamad ho unko huroof bana kar aage kalma eil lagaaye’n jisse moakkil ban jayega phir ek takseeri satar is taur par taiyar kare’n ke pehle naam ma walida ke huroof likhen iske baad aayat taskheer ke huroof e mufarradah ab is takseer ko sadr moakkhar kare’n iske bad is takseer ke pehlooye raast aur pehlooye chap ke huroof utha le’n aur inko alaahida alaahida sutoor me likhen aur huroof ko shumar karte jaayen agar ek satar me juft huroof hon to char char kalme aur taaq huroof hon to teen ya panch kalme bana len jis qadar jumle hon unke aage kalma yoosh یوش lagaye’n is tarah a’waanul amal bar aamad ho jayega iske bad takseer ke jumla huroof ke aadad abjad e qamri se nikal kar inme se 319 adad tafreeq kare’n aur baqaaya adad ke huroof bana kar isme kalma taesh طیش lagade’n yeh jinnatul amal ka naam bar aamad hua ab chahiye ke kul takseer ke aadad qamri ko naqsh e mukhammas me pur karen aur naqsh ke har chahar janib aewanul amal ke asmaa ko likhen aur naqsh ki doosri janib ek farzi taswer banayen jisme shakal o surat waazeh na ho ke yeh shariyat me mamnoo balke haraam hai bas aisi ke lage han kuch mabham si baghair naak ankh ke ho ,ek mard  kursi nasheen aur iske saamne khilqat ka hujoom ho ab mard ke sar par moakkil ka naam likhen aur makhlooq ke saro’n  par jinnatul amal ka naam tahreer karen aur is mabham tasweer ke ird gird oopar niche daaye’n baaye’n a’waanul amal ke asmaa ko likh dijye (agar badshah ki taswir na bhi banaye to koi khas faraq nahi parega yeh nukta zehan nasheen kar lijye) bas yeh LAUHE TASKHEER KHALQ  JAFRI taiyar hai

is loh ki tyari me aksar ghalati waaqe ho jaya karti hai kyonke isme takseeri amal hai jis me zara si ujlat ya la prwahi se sari mehnat akarat ho jati hai lihaza iska khas khyal rakhna hai Allah Tala  hume ilm naafe ata farmaye Ameen.