از الاوفاق قسط ۱۱
وزن کم کرنے اور موٹاپا دور کرنے کے لئے اسمائے ظہیری کے عمل کو علمائے علم و فن کے اقوال وارشادات کے مطابق عمل و تجربہ میں لاکر دیکھئے گا کہ یہ کس قدر موثر عمل وعلاج ہے، مجربات طمطم ہندی میں ہے کہ جو شخص یہ چاہے کہ وہ موٹاپا سے نجات پائے تو اسے چاہئے کہ وہ صبح پیدار ہونے کے بعد قبل اس کے کہ وہ کچھ کھائے پئیے اسمائے ظہیری کے عمل کی عبارت کو سات بار چٹکی بھر اجوائن خراسانی پر پڑھے اور اسے تازہ پانی سے پھانک لے چالیس روز تک اسی عمل پر عمل پیرا رہے تو اس عمل کی برکت سے اس کی زائد چربی خود بخود تحلیل ہوتی جائے گی اور وزن بھی آہستہ آہستہ کم ہوتا چلا جائےگایہاں تک کہ ایک چلہ کے دوران ہی بے ڈول جسم متناسب ہو جائے گا کتاب بلیاناس کا مصنف تحریر کرتا ہے کہ کھانا کھانے کے بعد اپنے داہنے ہاتھ کو معدہ اور پیٹ پر سات بار ملیں اور ہربار موٹاپا کم کرنے کا قصدوار ادہ کے ساتھ اسمائے ظہیری کو پڑھیں ہرمس اہرا مسہ میں بیان کیا گیا ہے کہ اسمائے ظہیری کو روغن زیت پر پڑھ کر دم کریں اور اس روغن کو پیٹ میں ملیں حیرت انگیز طور پر مریض اپنے آپ کو ہلکا اور بہتر محسوس کرے گا،ابوبکر کوفی رقمطر از ہے کہ موٹاپےکا مریض نان نخود بے نمک کو رات سوتے وقت اپنے پیٹ پر گرما گرم باندھ لیاکرے۔ سات روز تک ایسا کرے، موٹاپا نیست و نابود ہو جائےگا، مختصر جالینوس میں جالینوس کا قول تحریر ہے کہ موٹاپے کا مریض آکاش بیل کے عرق پر اسمائے ظہیری کو ایک سو دس دفعہ پڑھ کر پھونکے اور اس عرق کو شہد خالص سے شیریں کرکے چالیس روز تک نہار منہ بلاناغہ ایک رطل بھر استعمال کرتا رہےموٹاپا کم کرنے کے لئے ایک نہایت ہی اعلیٰ چیز ہے
