Adaad Nikalne Ka Tariqa اعداد نکالنے کا طریقہ (How to extract numeric value of abjad )

 

اعداد نکالنے کا طریقہ

از۔صوفی محمد عمران رضوی القادری

#AL-AUFAAQ_Vol-2

اس نشست کو معنون کرتا ہوں ان احباب سے جو کہ عملیات کورس کے پہلے اور دوسرے مرحلے میں شامل ہیں یا ان سے فارغ ہو چکے ہیں اور ان سے جنہیں فقیر کی جانب سے اعمال و اشغال اور روحانی علاج و معالجے کی اجازت ہے ۔

کسی بھی اسم، آیت یا اسماء الہی کے اعداد نکالنے کے لئے آپ کو حروفِ تہجی کی عددی قیمت Numeric Value اور ابجد قمری کی ترتیب  سے واقف ہونا ضروری ہے ،انہیں یاد کرنے کا آسان اور کارگر طریقہ یہ ہے کہ آپ مختلف لوگوں کے نام کے اعداد نکالیں، اسماء باری تعالیٰ کے اعداد نکالیں  اس کی خوب مشق کریں تو ان شاء اللہ جلد ہی آپ کو الف سے لے کر غین تک کے تمام حروف کی عددی قیمت ازبر ہو جائیں گےشروع شروع اعداد نکالنے کے لئے آپ کو ابجد کی جدول دیکھنے کی ضرورت پڑےگی لیکن جلد ہی آپ بنا جدول دیکھے کسی بھی نام کا عدد یا اسماء یا آیاتِ قرآنی کے اعداد نکال لیں گے حروفِ ابجد کی عددی قیمت کی جدول یہ ہے

 

جدول ابجد قمری

حروف	عددی قیمت	حروف	عددی قیمت
ا	1	س	60
ب/پ	2	ع	70
ج/چ	3	ف	80
د/ڈ	4	ص	90
ہ	5	ق	100
و	6	ر/ڑ	200
ز/ژ	7	ش	300
ح	8	ت	400
ط	9	ث	500
ی	10	خ	600
ک/گ	20	ذ	700
ل	30	ض	800
م	40	ظ	900
ن	50	غ	1000

جب آپ ناموں کے اعداد نکالیں گے تو بعض اوقات ایسے حروف سے سابقہ پڑے گا جن کا شمار ابجد یا حروفِ تہجی میں نہیں ہوتا  ، یہ حروف ہندی اور فارسی کے ہیں ہندی کے حروف یہ ہیں ٹ ،ڈ ،ڑ اور فارسی کے حروف ہیں پ ، چ ، ژ ، گ تو ان حروف کی عددی قیمت وہی ہوگی جو ان کے مشابہ حروفِ تہجی کی اس جدول میں درج ہیں پ کا عدد ۲  ٹ کا عدد ۴۰۰ چ کا عدد ۳ ژ کا عدد  ۷ ڑ کا عدد   ۲۰۰ گ کا عدد ۲۰ ہوگا ایسے ہی ایک حرف بھ ہے یہ اگر کسی کے نام میں آئے تو  اس کا عدد ۷ لیا جائےگا  کیوںکہ اس میں دو حروف ہیں اگرچہ پڑھنے میں ایک ہی معلوم ہوتا ہے ایسے ہی کھ کا عدد ۲۵ ہوگا ، لہذا اعداد نکالنے کے اصول میں یہ ایک اہم بات ہمیشہ یاد رکھئیے گا کہ عدد مکتوبی حروف کے لئے جاتے ہیں یعنی ہر اس حرف کا عدد لیا جائے گا جو کہ لکھنے میں آتا ہے بھلے ہی پڑھنے میں نا آئے مثال کے طور پر بسم اللہ الرحمن الرحیم کو لیجئے اس میں الرحمن اور الرحیم کا لام لکھنے میں تو آتا ہے لیکن پڑھا نہیں جاتا چونکہ لام مکتوب ہے لکھا گیا ہے اس کا عدد لیا جائے گا اسی طرح بعض الفاظ یا  ناموں میں کسی حرف پر تشدید ہونے کی وجہ سےوہ حرف دو بار پڑھا جائےگا لیکن دو بار لکھا نہیں جاتاہے لہذا صرف لکھے ہوئے ایک ہی حرف کا عدد لیا جائےگا مثلا  منّا ، معمّہ وغیرہ  ، منّا میں نون دو بار پڑھا گیا اور معمّہ میں میم دو بار لیکن لکھا ایک ہی بار گیا ہے لہذا ایک نون اور ایک میم کے اعداد لئے جائیں گے ، یہاں کچھ  اسماء الہی اور ناموں کے اعداد نکال کر مثال دوں جس سے با آسانی سمجھ آجائےگا اس طرح آپ مشق کریں گے تو جلد ہی ماہر ہو جائیں گے اور کیلکولیٹر میں ہی حساب شمار کر لیں گے۔

القدّوس

الف۱+ل۳۰+ق۱۰۰+د۴+و۶+س۶۰= ۲۰۱

الملک

الف۱+ل۳۰+م۴۰+ل۳۰+ک۲۰=۸۵

ھو اللہ العزیز

ھ۵+و۶+الف۱+ل۳۰+ل۳۰+ہ۵+الف۱+ل۳۰+ع۷۰+ز۷+ی۱۰+ز۷=۲۰۲

محمد ادریس

م۴۰+ح۸+م۴۰+د۴+الف۱+د۴+ر۲۰۰+ی۱۰+س۶۰=۳۶۷

محمد واصف رضا

م۴۰+ح۸+م۴۰+د۴+و۶+الف۱+ص۹۰+ف۸۰+ر۲۰۰+ض۸۰۰+الف۱=۱۲۷۰

الاوفاق

الف۱+ل۳۰+الف۱+و۶+ف۸۰+الف۱+ق۱۰۰=۲۱۹

مقطع اسم اعظم حق

م۴۰+ق۱۰۰+ط۹+ع۷۰+الف۱+س۶۰+م۴۰+الف۱+ع۷۰+ظ۹۰۰+م۴۰+ح۸+ق۱۰۰

=۱۴۳۹ یہ میری کتاب "حروفِ مقطعات و اسم اعظم" کا تاریخی نام ہے

زیر زبر پیش اور ہمزہ

زیر زبر پیش ،کھڑا زبر ،کھڑی زیر ، الٹا پیش اور تشدید وغیرہ حرکاتِ ثلٰثہ کی کوئی عددی قیمت نہیں ہے لہذا کسی آیت یا اسماء  کے اعداد نکالتے وقت زیر زبر پیش اور تشدید کے اعداد شمار نہیں ہوں گے ،جب یہ بات آپ کو ذہن نشیں ہو گئی کہ زیر زبر اور پیش کے اعداد نہیں لئے جاتے ہیں تو اب آپ کو ہمزہ کے اعداد کب اور کہاں لینا ہے یہ بھی سمجھ آ جائےگا ان شاء اللہ ۔

ہمزہ کے تعلق سے ایک بات یاد رکھیں کہ ہمزہ الف کے قائم مقام ہے اس لحاظ سے ہمزہ کی عددی قیمت ایک ہی ہے نا کہ دس، اس کی تفصیل آگے آئے گی ، کیوں کہ ہمزہ کے لئے مفترض مقام الف ہی ہوتا ہے اس لئے ہمزہ کو الف کا قائم مقام بھی کہتے ہیں ،  بنیادی طور پر عربی زبان میں ہمزہ کی خود اپنی کوئی آواز نہیں ہوتی یہ صرف اپنے ارد گرد موجود مصوتات اور حروف علت کی آوازوں کے لئے استعمال ہوتا ہے  اور اس کی اپنی کوئی عددی قیمت نہیں اس لئے عاملین و حکماء کے درمیان ہمزہ کے عدد لئے جانے پر معمولی سا اختلاف ہے بعض کے نزدیک اس کا ایک عدد لیا جائے گا اور کچھ کے نزدیک ہمزہ کا عدد مطلقا نہیں لیا جائے گا ، اس کے علاوہ ہمزہ کا استعمال تحریر کے دوران متعدد شکلوں میں ہوتا ہے اسے بطور حرف بھی استعمال کیا جاتا ہے اور بسا اوقات یہ کسی حامل پر حرکت کے طور پر بھی رکھا جاتا ہے ، لہذا یاد رکھیں جب ہمزہ بطورِ حرف استعمال ہوگا تو اس کا عدد ایک لیا جائےگا  اور جب یہ زیر زبر پیش کی آواز دے گا تو اس کا عدد محسوب نا ہوگا مثلا جبرائیل میں ئیل کا ہمزہ بجائے الف کے ہے اور حرف کے طور پر ہے اس کا ایک عدد شمار ہوگا  لیکن اسی کے برعکس کئی کا ہمزہ زیر روئے زمین کا ہمزہ زبر کھاءو کا ہمزہ پیش  کی آواز دے رہا ہے ان کے اعداد شمار نہیں ہوں گے ، اب رہا ہمزہ کے عدد دس لئے جانےکا مسئلہ تو اس سلسلے میں عرض ہے کہ ماضی قریب کے عاملین کو اس میں خطاء ہوئی انہوں یہ قائدہ لکھا یا نقل کیا کہ یائے معروف پر اگر ہمزہ ہو  تو دو یا کے اعداد لئے جائیں گے مطلب ہمزہ ی کا قائم مقام ہو جائے گا اور ہمزہ کا عدد دس لیا جائےگا جیسے رئیس کے ہمزہ کو دس شمار کیا  اس کی وجہ یہ لکھی کہ "کسرہ ما قبل میں یا اشباع ہے اس لئے دو ی کے اعداد لئے جائیں گے" جاننا چاہئیے کہ اشباع کہتے ہیں حروف کے زیر زبر اور پیش کو اتنا زور دے کر ادا کئے جانے کو کہ جس سے ی اور واو کی آواز پیدا ہو جائے اور یہ اس وقت ہوتا ہے جب پیش سے پہلے زبر یا پیش ہو اور اس کے بعد والے حرف پر بھی کوئی حرکت ہو جیسے ایاک نعبد و ایاک نستعین کے نعبد کی دال کے پیش کو اشباع کے ساتھ ادا کیا جائےگا یعنی دال کے اوپر پیش میں واو کی آواز پیدا کی جائے گی ، اس قدر وضاحت سے یہ بات تو عیاں ہو گئی کہ اشباع تجویدی قوائد کے مطابق کسی حرکت کو کھینچ کر پڑھا جانا ہے اور یہ پہلے بتایا جا چکا ہے کہ حرکات ثلٰثہ یا تشدید وغیرہ کی کوئی عددی قیمت نہیں  لہذا جس طرح مشدد حرف کو ایک ہی شمار کیا جاتا ہے تو کیا وجہ ہے کہ یائے معروف پر خطِ منحنی  یعنی ہمزہ ہونے سے دو ی شمار کئے جائیں ؟ اس لئے میری تحقیق کے مطابق ہمزہ کا عدد صرف ایک ہی لیا جا سکتا ہے اور میرا طریقہ یہِی ہے ، اس اختلاف سے بچنے کا ایک آسان طریقہ یہ بھی ہے کہ مطلقا ہمزہ کے اعداد شمار نا کئے جایئں

اعداد نکالتے وقت ان باتوں کا خیال رکھنا چاہئے

کہ نام وہی لئے جائیں گے جو کہ ملکی دستاویزات میں لکھے ہیں ، لقب،کنیت،تخلص وغیرہ جو ناموں کے شروع اور بعد میں لگے ہوتے ہیں وہ اگرچہ نام کا حصہ ہیں لیکن عملیات و تعویذات میں ان کے اعداد شمار نہیں ہوں گے لیکن اگر کسی حاکم یا افسر کے نام کا عدد نکالنا ہو تو اس کے نام کے آگے پیچھے لگے ٹائٹل القاب جو بھی ہوں ، ان سب کے اعداد لئے جائیں گے تاکہ اس حاکم یا افسر کی تخصیص ہو جائے

تائے تانیث ۃ

تائے تانیث یا تائے مدورہ ، تائے دراز کی طرح نہیں لکھا جاتا اس لئے اس کا عدد ہمیشہ ہر جگہ ۵ ہی لیا جائےگا ،راقم السطورفقیرِ قادری کو اس سے ایک لطیف نکتہ سمجھ آیا کہ حروف کی خطی اشکال پر ہی ان کی عددی قیمت مقرر کی گئی ہے

ابجد شمسی

ابجد شمسی کا استعمال فی زمانہ متروک ہے البتہ بعض طلسم یا جفری نقوش مثل مہر سلیمانی وغیرہ کی تیاری میں کام آتا ہے یہ ابجد صفت کے اعتبار سے جلالی  اور قوی الاثر ہے ، جہاں ان سے اعداد نکالنے کی ضرورت ہو اس جدول کو پیشِ نظر رکھے

جدول ابجد شمسی

حروف	عددی قیمت	حروف	عددی قیمت
ا	1	ض	60
ب	2	ط	70
ت	3	ظ	80
ث	4	ع	90
ج	5	غ	100
ح	6	ف	200
خ	7	ق	300
د	8	ک	400
ذ	9	ل	500
ر	10	م	600
ز	20	ن	700
س	30	و	800
ش	40	ہ	900
ص	50	ی	1000

 

 

Ayat e Qutub Ke 28 Khwas Aur Zakat Ka Tariqa آیت قطب کے اٹھائیس ۲۸؎خواص اور زکات کا طریقہ

 AL-AUFAAQ #1

حروفِ تہجی کی نسبت سے آیت قطب کے اٹھائیس ۲۸؎خواص اور زکات کا طریقہ

اس ضمن میں حروفِ تہجی کی نسبت سے اٹھائیس خواص سپردِ قرطاس کرتا ہوں ان میں سے بعض ایسے ہیں کہ آپ کو کہیں نا ملیں گے اور اکثر ان میں ایک جدا مضمون چاہتا ہے ،میں صرف اشارہ دیکر گذر جاؤں گا باقی عاملین اپنے صوابدید پر کام میں لائیں

(۱) اس کا عامل کبھی مقروض نہیں ہوگا اور روزی اس کی کشادہ ہوگی

(۲)اس کی زکات ادا کرنے والا ہر قسم کے جادو ،جنات و شیاطین ،آفات و بلیات سے محفوط رہتا ہے

(۳)یہ چونکہ ایک بہترین حصار بھی ہے لہذا اس کا عامل حصار کا عامل گردانا جائیگا اور کسی بھی مکان و دکان یا فیکٹری کا حصار کر سکے گا

(۴)جسم میں کہیں بھی درد ہو اس کا عامل محض ایک بار پڑھ کر دم کرے تو آرام ہوگا

(۵)آسیب زدہ کو اس کا نقش لکھ کرپلائے تو آسیب دفع ہو جائے

(۶) سحر زدہ کے لئے اس کا پلیتہ بنا کر جلوائیں تو سحر باطل و ناکارہ ہو جائے

(۷)وبائی امراض سے حفاظت کے لئے لکھ کر دروازے پر آویزاں کرے تو اہل خانہ محفوظ رہے

(۸)اس کا نقش مربع بچے کے گلے میں ڈالیں تو ہر بلا ء سے محفوظ رہے 

(۹)اس کا عامل ہر قسم کے اعمال کی رجعت سے محفوط رہتا ہے اس لئے میرا طریقہ ہے مبتدیوں کو اس کی زکات اوائل میں ہی دلواتا ہوں

(۱۰) حروف تہجی کی زکات سے قبل ہمارے یہاں آیت قطب کی زکات ادا کرائی جاتی ہے اس کا فائدہ یہ ہوتا ہے کہ حروف تہجی کی روحانیات عامل سے پہلے ہی آشنا ہوتی ہیں ،یہ شناسائی آیت قطب کے وسیلے سے ہوتی ہے لہٰذا جب عامل حروف کی زکات ادا کرتا ہے موکلین بلا تامل دعوت قبول کرتے ہیں

(۱۱)آیت قطب کا عامل دنیا میں کبھی بھی ذلیل و خوار نہیں ہوتا بلکہ ہمیشہ معزز و محترم رہتا ہے

(۱۲)حصار قطبی جو کہ اسی آیت سے ترتیب دی گئی ہے،عامل اس کے ذریعہ ہر قسم کا حصار کر سکتا ہے مثلا حاضری والے مریض کا حصار کرنا کہ اس پر جن شیطان ہمزاد کی حاضری نا ہو ،اسی طرح کسی کے جان کو خطرہ ہو یاکسی کا مال نقصان ہونے سے بچانا ہو وغیرہ وغیرہ

(۱۳)دوران سفر ۳ بار پڑھ لیں تو چوری اور حادثات سے مکمل حفاظت رہے۔

(۱۴) کسی مکان کو کیلنے کے لئے دو انچ لوہے کی کیل پر ۷ مرتبہ حصارِ قطبی دم کرے اور مکان کے کونوں میں اوپر کی جانب کلوا دے جس قدر کونے ہوں گے اتنے کیل اور ہر کیل پر ۷ مرتبہ دم کرنا ہوگا۔

(۱۵)لا علاج مرض کے لئے چینی کے پلیٹ میں آیت قطب زعفران سے لکھیں اور اصلی عرقِ گلاب یا آب زمزم سے دھو کر روزانہ مریض کو پلائیں پھر اس آیت کا معجزہ دیکھیں۔

(۱۶)دعائے حزب البحر کی زکات یا مداومت سے قبل آیت قطب کی زکات ادا کرنا بہت عمدہ ہے۔

(۱۷)کسی بھی عمل با موکل کی زکات سے قبل تقریبا ۳ ماہ پیشتر آیت قطب کی زکات ادا کی جا چکی ہو اور عامل اس کی مدوامت کرتا آرہا ہو تو عمل با موکل میں رجعت کا امکان کم ہو جاتا ہے۔

(۱۸)اگر کسی کو رجعت ہو جائے تو اس آیت کا نقش مثلث ساعت قمر میں لکھ کر گلے میں ڈالے اور ۲۱ مرتبہ پانی پر دم کر کے پلائے

(۱۹) ضدی بچے کے گلے میں ڈالے تو ضد کرنا ترک کردے

(۲۰)مرگی زدہ یا مجنون کے کان میں ۷ مرتبہ پڑھ کر پھونکے تو افاقہ ہو۔

(۲۱)حروف صوامت سے جو بندش لگائی جاتی ہے اس کی کاٹ کے لئے اس آیت کا نقش مربع کام میں لائیں۔

(۲۲)عداوت کے واسطے آیت قطب کو مفرد لکھ کر آگے البغض فلاں بن فلاں علی قلب فلاں بنت فلاں لکھے اور دو قبروں کے درمیان دفن کرے تو ناجائز تعلق کا خاتمہ ہو۔

(۲۳)دائرہ آیت قطب پر نظر رکھتے ہوئے حروفِ تہجی کی زکات نکالی جائے تو حروف کا ناسوتی عمل جاری ہو۔

(۲۴)دشمنوں سے حفاظت کے لئے آیت قطب کو اتوار کے دن اول ساعت میں لکھیں اور اپنے دشمنوں کا نام مع والدہ لکھیں ،اس کاغذ کو فولڈ کر کے اپنے مکان کی غربی دیوار پر کیل کے ساتھ گاڑ دے تو دشمن خواہ کتنے ہوں کوئی نقصان نا پہنچا سکے

(۲۵)زبان بندی کے لئے اس کا نقش مثلث لکھے اور نقش کے نیچے بستم بستم بستم زبان فلاں بن فلاں لکھ کر اپنے گھر میں کسی بھاری سامان کے نیچے دبائے۔

(۲۶) قضائے حاجت کے لئے روزانہ ایک مرتبہ آیت قطب لکھ کر اپنا مقصد لکھے اور پھر یہ لکھے 

بحق قطب الکونین سید الثقلین سیدنا و مولانا محمد واٰلہ و اصحابہ وبارک وسلم ۲۸ دنوں میں حاجت پوری ہو لکھے ہوئے کاغذ کو گولی بنا کر دریا میں ڈالے۔

(۲۷)اگر کوئی اپنے اندر نفاق کا مادہ پائے اور وہ اس بلاء سے چھٹکارہ پانا چاہے اور اخلاص و ایمان کی حلاوت سے سرشار ہونے کا خواہشمند ہو تو صدق دل سے اس آیت کو بعد نماز عصر کے ۱۱ مرتبہ پڑھا کرے ان شاء اللہ ایمان قوی ہوگا اور نفاق زائل ۔

(۲۸)اس آیت کی بڑی زکات جس سے عامل دوسروں کو اجازت دے سکے گا اس کا طریقہ یہ ہے کہ شرائط معلومہ کے ساتھ ۴۰ دنوں تک ۳۶۰ مرتبہ ایک نششت میں پڑھ کر ختم کرے یہ زکات تا عمر باقی رہتی ہے اور مداومت کے ترک سے بھی عمل رخصت نہیں ہوتاجب کہ اول الذکر زکات میں مداومت لازمی ہے اگر لگاتار تین دن ناغہ ہو جائے تو از سر نو زکات ادا کرنی ہوگی۔

نوٹ:ہمارے یہاں آیت قطب کے اس زکات کو ابتدائی نو چلوں کو بعد کرایا جاتا ہے تاکہ عمل مستحکم اور پائیدار ہو احباب جو پہلے مرحلے کے چلوں سے فارغ ہیں وہ علاج و معالجہ جاری رکھتے ہوئے اس کی زکات فقیر کی نگرانی میں ادا کر سکتے ہیں

 

Adawat Aur Judai Ka Naqsh عداوت اور جدائی کا نقش (Amulet For Separation)

AL-AUFAAQ #1

 یہ نقش واسطے عداوت کے آزمودہ ہے اور فقیر نے اس نقش سے ناجانے کتنے کا م لئے آئے دن نا جائز تعلقات کا خاتمہ اس نقش سے کیا جاتا ہے احباب معمول بنائے چالیس نقوش واسطے احراق کے لکھ دے انشا ءاللہ ۴۰ دنوں میں جدائی واقع ہوگی نقش یہ ہے 

Naqsh Hifazat e Makan نقش حفاظت مکان

AL-AUFAAQ #1

 

Ek Asan Aur Mujarrab Istekhara ایک آسان اور مجرب استخارہ (A simple and effective istikhara)

AL-AUFAAQ #1

ایک آسان اور مجرب استخارہ

اکثر لوگ آسان اور مجرب استخارہ پوچھتے ہیں ویسے تو بہت سارے آسان استخارے ہیں لیکن یہ استخارہ نہایت آسان اور آزمودہ ہے،جب کسی کو کسی کام میں ہاتھ ڈالنا ہو اور نہیں جانتا کہ اس میں اس کے لئے خیر ہے یا نہیں تو چاہئے کہ دو رکعت نفل بہ نیت استخارہ ادا کرے ہر دو رکعت میں سورۃ الفاتحہ کے بعد ۴۰ بار سورہ اخلاص یعنی قل ھو اللہ احد پڑھے بعد سلام پھیرے کے ایک ہزار مرتبہ یَا خَبِیْرُ اَخبِرْنِیْ پڑھے اول آخر درود شریف ۱۱۔۱۱ بار پھر پاک بستر پر بیٹھ کر بائیں ہاتھ سے دائیں ہاتھ کی ہتھیلی پر کالی سیاہی سے مندرجہ ذیل نقش لکھے اور داہنا ہاتھ اپنے سر کے نیچے رکھ کر سو جائے اور اپنے مقصد کو ذہن میں رکھیں کہ مثلا فلاں کام میرے لئے کیسا ہے،یا فلاں کام میں میرے لئے کیا حکم ہے انشاء اللہ پہلے روز ہی آپ کو خواب میں جواب مل جائیگا ورنہ تیسرے دن تو ضرور بالضرور مل جاتا ہے بعض اوقات بجائے عالمِ رویا کے جواب بیداری میں بھی مل جاتاہے وہ نقش جو ہتھیلی میں لکھی جائیگی یہ ہے۔

 

Panch Roohani ilaj | पांच रूहानी इलाज | پانچ روحانی علاج | Episode #12

 

(1) Bars (White Leprosy) Ka Roohani Elaj

(2) Sehar e Madfoona Maloom Karna

 (3) Imtehan me Kamyabi Ka Wazifa

 (4) Dast e Ghaib Ka Asan Nuskha

(5) Ayat e Karima Ka Amal

Nafarman Aulad Ke Liye Taweez نافرمان اولاد کے لئے تعویذ (Amulet for disobedient children)

AL-AUFAAQ #1

 

Naqsh Dard e Sar Ke Liye نقش درد سر کے لئے

AL-AUFAAQ #1

 

Tahajjud Ka Waqt | تہجد کا وقت

 

Naqsh Baraye Mafroor نقش برائے گریختہ

AL-AUFAAQ #1

نقش برائے گریختہ

اگر کوئی مرد یا بچہ یا کسی کا نوکر بھاگ جائے تو اس نقش کو فوراً لکھ کر ہوا میں لٹکائے انشا اللہ گریختہ واپس آئیگا مجرب و آز مودہ ہے 

 

Naqsh Taskheer e Khalq نقش تسخیر خلق

Taskheer e Khalq Ka ye naqsh Khas Tarkeeb Se Makhsoos Waqt me taiyaar Kia jata hai,Sahulat e Kaar Aur Taskheer Quloob e Khalaiq Khususan Hukkam , Zojain , Mulazimeen , Dushmanan , Hasideen waghaira ki taskheer o tabedari ke liye Umdah Hai.

💯