Tuesday, August 31, 2021

Aamileen Ko Chillo'n me'n Sufiyana Rawish Chahiye

 

از صوفی محمد عمران رضوی القادری

عاملین کو چلوں میں صوفیانہ روش چاہئیے

چہل روزہ چلہ کی اصل

حدیث شریف میں فرمایا من اخلص للہ اربعین صباحا ظھرت ینابیع الحکمۃ من قلبہ علی لسانہ جس نے چالیس دن اللہ کے واسطے خالص کر دئے یعنی چالیس دن خلوص کے ساتھ ذکر الہی میں مشغول رہا تو حکمت کے چشمے اس کے دل سے پھوٹ کر اس کی زبان پر آجاتے ہیں ،قرآن مقدس میں بھی حضرت ِ موسیٰ علیہ السلام کے واقعے میں چالیس دنوں کی تخصیص پائی جاتی ہےفرمایا  وَ وٰعَدْنَا مُوْسٰى ثَلٰثِیْنَ لَیْلَةً وَّ اَتْمَمْنٰهَا بِعَشْرٍ فَتَمَّ مِیْقَاتُ رَبِّهٖۤ اَرْبَعِیْنَ لَیْلَةًۚ- اور ہم نے موسیٰ سےتیس رات کا وعدہ فرمایا اور ان میں دس اور بڑھا کر پوری کیں تو اس کے رب کا وعدہ پوری چالیس رات کا ہوااور یہی چہل روزہ چلہ کشی کی اصل ہے  جو صوفیائے کرام  یا عاملین کے طریقوں میں رائج ہے

 

صوفیاء کرام کا چلہ

فرمایا صوفیا ء کرام جو اربعین کا اہتمام کرتے کراتے آئے ہیں اس سے ان کا مقصدذکر و اذکار کے لئے   اوقات کو منضبط کرنا ہےکہ جیسے دوران چلہ پابند ہیں اسی طرح ہمیشہ کاربند و پابند  رہیں، نفس کا مجاہدہ کہ احوالِ نفس کی جستجو کر سکے  ، صفائے قلب کہ دل ما سوی اللہ سے خالی ہوجائے ،استقامت تاکہ باطنی مقامات کے اصطلاحوں سے واقفیت ہو سکے     ،توجہ الی اللہ اور جو کچھ اس ضمن میں ہیں سوائے اس کے اور کوئی مقصد نہیں ہوتا یہ الگ بات ہے کہ دوران چلہ یا بعد، چلہ کشی کے نتیجے میں ان سے خرق عادات اورکشف و کرامات کا ظہور ہونے لگتا ہے لیکن  حاشا و کلا وہ ہرگذ ان چیزوں کے طالب نہیں ہوتے ہیں بلکہ ان کا منتہائے مقصود رضائے الہی ہوتا ہے اور بس  ،بلکہ جو ان چیزوں کا طالب بن کر چلہ کش ہوتا ہے اسے کبار صوفیا ء اچھی نظروں سے نہیں دیکھتے  اس باب میں شیخ الشیوخ شہاب الدین سہروردی رحمہ اللہ تعالی فرماتے ہیں"  کچھ لوگوں نے خلوت نشینی اور چلہ کشی کے معاملہ میں فاش غلطی کی اور غلط روش کو اپنایا ہے اور انہوں نے اس سلسلہ کے کلمات میں تحریف کی ہے اور الفاظ کو غلط معانی پہنائے ہیں گویا شیطان نے ان کے نفس پر غرور کا دروازہ کھول دیا ہےاور وہ اُس اخلاص کے بغیر جو خلوت نشینی کا حق ہے ،خلوت میں جاکر بیٹھ گئے ہیں ،ان لوگوں نے یہ سن لیا تھا کہ مشائخِ کبار اور صوفیائے عظام سے خلوت نشینی کے موقعہ پر خلافِ عادت عجیب و غریب واقعات و کرامات ظاہر ہوتے ہیں پس اسی چیز کو وہ حاصل کرنے کے لئے خلوت گزیں ہوتے ہیں لیکن یاد رکھنا چاہئیے یہ ایک روحانی بیماری ہے اور تمام تر گمراہی و ضلالت ہے"

 

 

عاملینِ محض کا چلہ

عام طور پر عاملین حضرات میں جو عامل ِ محض  ہیں   وہ جس  مقصد غرض  و غایت کے لئے چلہ نشین ہوتے ہیں  اس کا تعلق اکثر دنیاوی امور و معاملات سے ہوتا ہے یا وہی کشف و کرامات  اور یہ کہ اس طرح کے  عاملین کا مطمحِ نظر قربِ الہی نہیں ہوتا ،یہاں اذکار و دعوات و مسخرات کسی ہدف کو پانے اور حصولِ تصرفات کے لئے کیا جاتا ہے یہی وجہ ہے کہ اگر اعمال وغیرہ میں ناکامی ہوتی ہے یا وظیفے کا اثر نہیں دکھتا توعاملِ محض کی  زبان شکوہ شکایت کئے بغیر نہیں رہتی، قلب مضطرب و بے چین ہوجاتا ہے اور دماغ میں فتور پیدا ہوجاتا ہے   جب کہ صوفیاء کا چلہ کشی سے مقصد سوائے قرب و رضائے  الہی کے اور کچھ نہیں ہوتا اس لئے نہ یہاں شکوہ ہے نہ شکایت نہ بےصبری بلکہ یہاں اطمنان ہے سکون ہے وقار ہے ،رب العزت کے وعدہ     فَاسْتَجَابَ لَهُمْ رَبُّهُمْ اَنِّیْ لَاۤاُضِیْعُ عَمَلَ عَامِلٍ  مِّنْكُمْ"تو ان کی دعا سن لی ان کے رب نے کہ میں تم میں کام والے کی محنت اکارت نہیں کرتا  " پر کامل بھروسہ ہے

عامل ِمحض نہ بنئے  صوفیانہ روش بھی اختیار کیجئے

یہ سمجھ لینا چاہئیے کہ صوفیاء میں بہت ایسے ہوئے ہیں جنہوں نے عاملین کے طریقے پر بھی  چلہ کشی ،عبادات و ریاضات کیں بلکہ اس شریف فن کے موجد و مجدد قرار پائے ان میں  نمایا نام حضرت شیخ محمد غوث گوالیاری رحمہ اللہ کا ہے  حضرت کی تصنیف جواہر خمسہ امہات کتب میں شمار کی جاتی ہے  جس میں انہوں نے ہر دو طریق کا ذکر کیا ہے لیکن  اور یہ اہل علم سے پوشیدہ نہیں کہ عملیاتی رنگ اس کتابِ مستطاب  پر غالب ہے  ،باوجود اس کے یہ کتاب علماء کرام صوفیاء عظام عاملین و سالکین سب کے لئے مفید، کوئی طبقہ ایسا نہیں کہ جس نے اس کتاب سے استفادہ نہ کیا ہو ،یہ کیوں ہے یہ اس لئے ہے کہ  کبار صوفیاء نے فن عملیات و دعوات  و اذکار  کوسلوک و تصوف کا تابع بنا کر پیش کیا اور خود اس پر عمل کر کے دکھایا    لہذا جو ان بزرگوں کے طریقے پر رہا اس نے دین و دنیا میں فلاح پائی  اور جوآدابِ سلوک و تصوف سے عاری ہو کر محض عملیات کے پیچھے بھاگا  تو اگرچہ اس نے کچھ کامیابی حاصل کر لی لیکن وہ  حیران و پریشان ہی رہا  ،اس میں کوئی شک نہیں کہ عملیات ایک مستقل فن ہے اور یہ ممکن ہے کہ اس فن میں  مومن صادق کے ساتھ فاسق و فاجر  بھی کمال پیدا کر لے جیسا کہ امام احمد بونی رحمہ اللہ نے فرمایا کہ یہ فن مو من  صالح کے لئے کرامت اور فاسق  معلن کے واسطے استدراج ہے  اس لئے فقیر اپنے احباب سے ہمیشہ یہ کہتا ہے کہ عامل محض نہ بنئے  ،صوفیانہ روش بھی اختیار کیجئے مضامینِ تصوف بھی دیکھا کیجئے اس سے آپ کے اندر شعور و آگہی پیدا ہوگی،صبر و استقامت کا مفہوم سمجھ آئے گا  اور اعمال و اشغال کےصحیح منتہائے مقصود  کا پتہ چلے گا،  اگرچہ عملیاتی طرز کے چلے کریں شرائطِ عامل بجا لائیں   لیکن روش وہی صوفیانہ رکھیں کوئی عمل کوئی وظیفہ شوق و محبت سے پڑھیں یہ خیال کریں کہ کیا یہ نقد فائدہ نہیں کہ اتنی دیر اللہ تعالی کے ذکر میں لگا رہا اس سے بڑھ کر اور کیا حاصل ِ مقصد ہوگا ،دنیاوی غرض و غایت کو طاق پر رکھ چھوڑیں  کہ جب بندہ خدا کے ذکر میں لگ جاتا ہے تو ساری خدائی اس کے کام  کوسنوارنے میں جٹ جاتی ہے ،اس انداز اور اس فکر سے اپنا روحانی سفر جاری رکھیں  تاکہ عاملین صوفیا ء کے خداموں میں ہمارا نام لکھا جا سکے  اور اس باب میں کی جانے والی محنت کا اجر دنیا کے ساتھ آخرت میں بھی کامل طور پر ملے آمین آمین

 

 

 

 

Wednesday, August 25, 2021

Amal Dast e Ghaib Shajar e Zarr Ka Ta'ruf | عمل شجر زر | अमल शजरे

yeh amal Saiyedina Ghaus Muhammad Gawalyari Rahimahullah ke nawadiraat me se hai jo ke shajar e zarr ke naam se mashhoor hai dast e ghaib ka yeh amal fi zaman naadir hai



Thursday, August 19, 2021

Amaal e Aashurah आमाल इ आशूरह اعمال عاشورہ

 

اعمالِ عاشورہ

شبِ عاشورہ کی نفل

۹ محرم الحرام کا دن گذارنے کے بعد جو  عاشورہ کی رات آئے اس میں  سو رکعتیں پڑھیں اور ہر رکعت میں فاتحہ کے بعد سورہ اخلاص تین بار اور جب نماز سے فارغ ہو تو ستّر بار سُبْحَانَ اللہ ِوَ الْحَمْدُ لِلّٰہِ وَلَا اِلٰہَ اِلاَّ اللّٰہُ اَکْبَرُ وَلَاحَوْلَ وَلاَ قُوَّۃَ اِلاَّ بَااللّٰہِ الْعَلِیُّ الْعَظِیْمُ گناہ بخشے جائیں دعائیں قبول ہوں

 عاشورہ کے دن کا  روزہ

محرم کا مہینہ نہایت مبارک مہینہ ہے، خاص کر عاشورہ کا دن بہت ہی مبارک ہے کہ دسویں محرم جمعہ کے دن حضرت نوح علیہ السلام کشتی سے زمین پر تشریف لائے اور اسی تاریخ اور اسی دن حضرت موسیٰ علیہ السلام نے فرعون سے نجات پائی اور فرعون غرق ہوا، اسی تاریخ اور اسی دن میں سید الشہداامام حسین نے کربلا کے میدان میں شہادت پائی اور اسی جمعہ کا دن اور غالباًاسی دسویں محرم کو قیامت آئے گی۔غرضیکہ جمعہ کا دن اور دسویں محرم بہت مبارک دن ہے اسلام میں سب سے پہلے صرف عاشورہ کا روزہ فرض ہوا،پھر رمضان شریف کے روزوں سے اس روزے کی فرضیّت تو منسوخ ہوگئی مگر اس دن کا روزہ اب بھی سنت ہے

حضرت سیِّدُناابو ہریرہ رضی اللہ تعالیٰ عنہ سے مروی ہے،حضور اکر صلَّی اللہ تعالیٰ علیہ وسلَّم نے ارشاد فرمایا ''ماہِ رمضان کے بعد افضل روزے اللہ تعالی  کے مہینے محرم کے روزے ہیں ]صحیح مسلم[

   حضرت سیِّدناعبداللہ بن عباس رضی اللہ تعالیٰ عنہما سے یومِ عاشوراء کے روزے کے متعلق پوچھا گیاتو آپ رضی اللہ تعالیٰ عنہ نے ارشاد فرمایا: ''میں نہیں جانتا کہ اللہ کے پیارے رسول صلَّی اللہ تعالیٰ علیہ وسلَّم نے باقی دنوں پر فضیلت کے طور پر یومِ عاشورہ کے علاوہ کسی دن کا اور باقی مہینوں پر فضیلت کے طور پر رمضان کے علاوہ کسی مہینے کا روزہ رکھا ہو۔'']صحیح مسلم[

حضرتِ سیدنا ابو سَعِیْد خُدْرِی رضی اللہ تعالی عنہ سے مروی ہے کہ نور کے پیکر، تمام نبیوں کے سَرْوَر، دو جہاں کے تاجْوَر، سلطانِ بَحرو بَرصلَّی اللہ تعالیٰ علیہ واٰلہٖ وسلّم نے فرمایا،'' جس نے عرفہ کے دن روزہ رکھا، اس کے ایک اگلے اور ایک پچھلے سال کے گناہ معاف کردئیے جاتے ہیں اور جس نے عاشورہ کا روزہ رکھا اس کے ایک سال کے گناہ معاف کردئیے جاتے ہیں۔'']مجمع الزوائد[

عاشورہ کے دن روزہ رکھنے کا بڑا ثواب ہے یعنی ایک سال کے روزوں کا ثواب ملتا ہے جیسا کہ حضور اکرم صلی اللہ علیہ وسلم فرماتے ہیں مَنْ صَامَ یَوْ مَ عَا شُوْرآءَ فَکَا نَّمَا صَامَ الدَّھُرَ کُلَّہ

www.idararoohaniimdad.in

عاشورہ کے دن کی دعائیں اور نوافل

چاشت کے وقت غسل کر کے اور لباس پہن کر تھوڑا پانی ہاتھ میں لے کر سر پر ملتا جائے اور یہ تسبیح پڑ ھتا جائے حَسْبِیَ اللّٰہُ وَکَفٰی سَمِعَ اللّٰہُ لِمَنْ دَھَا لَیْسَ وَرآءِ اللّٰہِ الْمُنْتَھٰی مَنِ اعْتَصَمَ بِجَبْلِ اللّٰہ نَجٰی وَتَخْلُقُ مَا تَخْلُقُ فِی ھٰذَالْیَوْمِ اس کے بعد دو  رکعت پڑھے پہلی میں فاتحہ کے بعد آیتہ الکرسی اور دوسری میں لوانزلنا آخر سورہ حثر تک بعد نماز کے درود شریف پڑھے پھر یہ دعا پڑھے یَا اَوَّلَ الْاَ وَّ لِیْنَ یَا اٰخَرِاَلْآ خِرِیْنَ لآ اِلٰہَ اِلاَّ اَنْتَ خَلَقْتَ مَا خَلَقْتَنِیْ اَوَّلِ ھٰذالْیَوْمِ وَ تَخْلُقُ فِیْ اٰخِرِ ھٰذَالْیَوْمِ اَعْطِنِیْ فِیْہِ خَیْرَمَا اَوْ لَیْتَ فِیْہِ اَوْلِیَآءِکَ وَ انْبِیآءِکَ وَاَ صئفِیَآئِکَ  مِنْ ثَوَابِ الْبَلَا یَا وَاَسْھِمْ مَا اَ عْطَیْتَھُمْ فِیہِ مِنَ الْکَرَ اَمَۃِ وَ بِحَقِّ  مُحَمَّدٍ صَلَی اللہُ عَلَیْہِ وَعَلیٰ اٰلِہٖ وَسَلِّمْ  اور ایک روایت میں یہ ہے کہ پیوستہ چھ رکعت ایک سلام سے پڑھے ہر رکعت میں والشمس اور والضحیٰ اور اذازلزلت الارض اور سورہ  اخلاص اور معوذ تین پڑھے اور بعد فراغ کے سجدہ کرے اور سورہ کافرون سات دفعہ پڑھ کر اپنی حاجت چاہے اور یہ دُعا پڑھے قبول ہوگی

 اَللّٰھُمَّ اَجْعَلْنِیْ مِمَّنْ دَعَاکَ فَاجَبْتَہ‘ وَاٰمَنَ بِکَ فَھَدَیْتَہ‘ وَرَغِبَ اِلَیْکَ فَاعْطَیْتَہ‘ وَتَوَکَّلَ عَلَیْکَ فَکَفَّیْتَہ‘ وَاقْتَرَبَ مِنْکَ فَاَ دْ نَیْتَہُ اَللّٰھُمَّ امْدُ دْ بِعَیْشِیْ فِی الْخَیْرَاتِ مَدً اوَّ اجَعَلْ لِیْ فِیْ قُلُوْبِ الْمُوْ مِنِیْنَ وَدًا اَللّٰھُمَّ اَسْئَلُکَ الْایْمَانَ بِکَ وَاَسْئَلُکَ الْفَضْلَ مِنَ الرِّزُقِ وَ اَسْئَلُکَ الْعَا فِیَۃَ مِنَ الْبَلاَ یَا وَاَسْئَلُکَ حُسْنَ الْعَا فِیَۃِ فِی الدَّنْیَا وَالْاٰخِرَۃِ یَا ذَا لْجَلَا لِ وَ الْاِکْرَامِ

رب تعالی کی بخشش

اور جوکوئی عاشورہ کے دن ستّر بار حَسبِیَ اللّٰہُ وَنِعْمَ الْوَکْیِلُ نِعْمَ الْمَوْلٰی وَ نِعْمَ النَّصِیْرُپڑھے گا حق تعالیٰ شانہ اس کو بخش دے گا

سال بھر موت نا آئے

جو کوئی عاشورہ کے دن یہ دعا سات بار پڑھے گا انشاء اللہ تعالیٰ اس سال موت کے صدمے سے محفوظ رہے گا اور جس سان اس کی موت ہوگی اس کو پڑھنے کی توفیق نہ ہوگی وہ دعا یہ ہے

سُبْحَانَ اللّٰہِ مَلاَءَ الْمِیْزَ انِ وَمُنْتَھَی الْعِلْمِ وَمَبْلَغَ الرِّ ضیٰ وَزِنَتہَ الْعَرْشِ  لَا مَلْجَاءَ وَلَا مَنْجَاءَمِنَ اللّٰہِ  اِلاَّ اِلَیْہِ سُبْحَانَ اللّٰہِ عَدَ دَالشَّفْعِ وَا لْوَتْرِ وَ کَلِمَا تِ اللہِ التَّامَّاتِ کُلِّھَا اَسْئَلُکَ السَّلاَمَۃَ بِرَحْمَتِکَ یَا اَرْ حَمَ الرّٰاحِمِیْنَ لَاحَوْلَ وَلَا قُوْۃَاِلاَّ بِاللّٰہِ لْعَلِیِّ  الْعَظِیْمِ وَھُوَحَسْبِیْ وَ نِعْمَ الْوَکْیِلُ نِعْمَ الْمَوْلٰی وَنِعْمَ النَّصِیْرُ وَصَلَّی اللّٰہُ عَلٰی خَیْرِ خَلْقِہٖ مُحَمَّدٍ وَّ اٰلِہٖ وَ اَصْحَا بِہٖ اَجْمَعِیْنَ

 عاشورہ کے دن  اتنی باتوں کا لحاظ رکھے

(۱) اس دن کو بزرگ جاننا (۲) روزہ رکھنا (۳) فحش باتوں سے زبان کو روکنا(۴) اپنی اہل وعیال میں نفقہ کی وسعت کرنا یعنی کھانا پکوانا (۵) صلہ رحمی کرنا (۶) صدقہ دینا(۷)مسلمانوں کی زیارت کرنا(۸) سلام کرنا(۹) دشمن سے صلح کرنا (۰۱) جس سے قطع تعلق ہو اس سے میل ملاپ کرنا  (۱۱)بال منڈوانا(۲۱)مہمان کے ساتھ افطار کرنا (۳۱) بُھوکے کو کھانا کھلانا (۴۱)پیاسے کو پانی دینا(۵۱) جنازہ کے ساتھ جانا(۶۱) مریض کی عیادت کو جانا(۷۱) حَسْبِیَ اللّٰہ وَ نِعْمَ الْوَ کِیْل وَ نِعْمَ الْمَوْلٰی وَ نِعْمَ النَّصِیْر ستر بار پڑھنا (۸۱) یتیم کے سَر ہاتھ پھیرنایعنی اس کو کچھ دینا (۹۱) بلا قصد زیبائش کپڑے بدلنا(۰۲) غسل کرنا(۱۲) اپنے دونوں ہاتھوں سے سر پر پانی ڈالنا(۲۲) علماء کی زیارت کرنا (۳۲) ماں باپ کی خدمت کرنا(۴۲) خدا تعالٰی کے خوف سے گریہ وزاری کرنا اور آنسو بہانا(۵۲) مسلمانوں سے اخلاص کرنا(۶۲) جناب الٰہی میں دعا کرنا

تفسیر روح البیان میں ہے محرم کی نویں اور دسویں کو رو زہ رکھے تو بہت ثواب پائے گا بال بچو ں کے لئے دسویں محرم کو خوب اچھے اچھے کھانے پکائے توإن شاءاللہ عزّوجلّ! سال بھر تک گھر میں برکت رہے گی ۔ بہتر ہے کہ حلیم (کھچڑا )پکا کر حضرت شہید کر بلا امام حسین رضی اللہ تعالیٰ عنہ کی فا تحہ کر ے بہت مجر ب ہے اسی تا ریخ  کو غسل کرے تو تمام سال إن شاءاللہ عزّوجلّ! بیماریوں سے امن میں رہے گا کیونکہ ا س دن آب زم زم تمام پانیوں میں پہنچتا ہے]تفسیر روح البیان[

  سال بھر آنکھ نہ دکھیں 

اسی دسویں محرم کو جو سر مہ لگائے تو  سال بھر تک اس کی آنکھیں نہ دکھیں

سال بھر گھر میں خیر و برکت رہے

حدیث شریف میں آیا کہ جو کوئی عاشورہ کے دن اپنے گھر کھانے میں وسعت کرے یعنی خوب پکائے اور کھلائے تو سال بھر اس کے گھر میں برکت رہے گی

سال بھر مال میں برکت کا نسخہ

عاشورہ کے دن اپنے والدین ،پیر و مرشد ،استاذ کی خدمت میں کچھ نقدی پیش کریں اور اپنے اہل و عیال او رضرورت مند رشتہ داروں کو بھی تحائف یا نقدی پیش کریں   تو انشاء اللہ پورا سال مال میں خوب برکت ہو

www.idararoohaniimdad.in

 

Monday, August 16, 2021

Naqsh Hifazat e Hamal (नक़्श हिफाज़त हमल )

 
Naqsh hifazat e hamal ke liye likh kar hamila ke gale me dale


Sehar Jadu Ko Katna سحر جادو کو کاٹنا जादू सेहर को काटना (To cut the black magic)


جادو سحر کو کاٹنا

اِنَّا جَعَلْنَا فِیْۤ اَعْنَاقِهِمْ اَغْلٰلًا فَهِیَ اِلَى الْاَذْقَانِ فَهُمْ مُّقْمَحُوْنَ(۸)وَ جَعَلْنَا مِنْۢ بَیْنِ اَیْدِیْهِمْ سَدًّا وَّ مِنْ خَلْفِهِمْ سَدًّا فَاَغْشَیْنٰهُمْ فَهُمْ لَا یُبْصِرُوْنَ(۹)یَا حَمِیْدَالْفِعَالِ ذَالْمَنِّ عَلےٰ جَمِیْعِ خَلْقِہِ بِلُطْفِہِ یَا حَمِیْدُ

ہر قسم کے جادو کی کاٹ کے لئے اس آیت اور دعاء کو تین سو ساٹھ مرتبہ ۷ روز تک پڑھا جائے پڑھتے وقت مریض کے سامنے ایک طشت میں پانی بھر کر رکھ لیں اور پکے لوہے کی ایک چھری جس کا دستہ بھی لوہے کا ہو ساتھ رکھے  ،پڑھائی ختم کرتے ہی مریض پر دم کریں اور پانی پر دم کرکے اس پانی کو سات مرتبہ کاٹے اس طرح کہ چار کٹ سامنے کی طرف سے اور تین کٹ بائیں سے دائیں لگائیں  اس پانی سے مریض کو پلائے ،سر،چہرے دونوں بازوں پر ملے پھر رات تک تھوڑا تھوڑا پانی پی کر ختم کرے اس طرح مسلسل سات روز تک عمل کریں  آزمودہ ہے نقش گلے میں ڈالا جائے گا

 




Jafri Naqsh Ba Muwakkil जफरी नक़्श बा मुअक्किल جفری نقش با موکل

 ilm e jafar ka ek shoba asar e jafri hai jis me talib ma walida aur maqsad ke mutabiq ayat e qurani ko mufarrad likh kar jafri qawaid maslan takseer moakhar sadar waghaira ke usool par guzara jata hai aur mahaz is gardaan ki wajah se hi rohanieen o muwakkileen e alwah o jafri nuqoosh harkat me ajate hai , jaha dusre nuqoosh ka asar kisi khas wajah se khwatir khwah zahir nahi hota waha jafri nuqoosh ba muwakkil apna kamal dikhate hai'n



Naqsh Sat Salaam نقش سات سلام नक़्श सात सलाम

نقش سات سلام

امراض ِ شکم نزلہ زکام اور خاص کر عورتوں کو وضعِ حمل یا خدانخواستہ حمل ساقط ہونے کے بعدنقش سات سلام مع آیات شفاء لکھ کر پینے کو دیا جائے تو بفضلہ تعالی خلاصی پائے اور شفاء ملے ان شاء اللہ




Wednesday, August 11, 2021

Roohani Amaliyat Ka Dusra Daur रूहानी अमलियात का दूसरा दौर روحانی عملیات کا دوسرا دور (The Second Course Of Roohani Amaliyat)

 Faqeer e Quadri ne pichhle kai saal tak bahut sare ahbab par tajurba karke pehle aur dusre daur ke roohani amaliyat ke in 9 amaliyati chillo'n ko tarteeb dia hai jo mukhtalif quwa rakhne wale afrad ke liye yaksa taur par mufeed hai jis me mehnat kam hai na ziada aur fawaid be shumar o latadad ke in chillo ke bad beshak aap in a'maal ke amil ho jayenge phir roohani ilaj o muaalja karne aur hajatmando ko nuqoosh o taweezat dene ke ahal honge in sha Allah.



بسم اللہ الرحمن الرحیم

نحمدہ و نصلی و نسلم علی رسولہ الکریم

اللہ تبارک و تعالی کا  ارشاد ہے

وَ الَّذِیْنَ جَاهَدُوْا فِیْنَا لَنَهْدِیَنَّهُمْ سُبُلَنَاؕ-وَ اِنَّ اللّٰهَ لَمَعَ الْمُحْسِنِیْنَ۠(۶۹)

اور جنہوں نے ہماری راہ میں کوشش کی ضرور ہم انہیں اپنے راستے دکھادیں گے اور بےشک اللہ نیکوں کے ساتھ ہے

حضرت ابنِ عباس رضی اللہ تعالٰی عنہما نے فرمایا کہ معنٰی یہ ہیں کہ جنہوں نے ہماری راہ میں کوشش کی ہم انہیں ثواب کی راہ دیں گے ۔ حضرت جنید نے فرمایا جو توبہ میں کوشش کریں گے  انہیں اخلاص کی راہ دیں گے ۔ حضرت فضیل بن عیاض نے فرمایا جو طلبِ علم میں کوشش کریں گے انہیں ہم عمل کی راہ دیں گے ۔ حضرت سعد بن عبداللہ نے فرمایا جو اقامتِ سنّت میں کوشش کریں گے ہم انہیں جنّت کی راہ دکھا دیں گے

لائقِ صد تحسین و مبارکباد ہیں وہ احباب جنہوں نےپہلے مرحلے کے اعمال یعنی  ابتدائی عاملین کے نو چلو ں  کو مکمل کر کے اپنے روحانی سفر کا ایک صحتمند آغاز کیا ہے اللہ تبارک و تعالی محض اپنے فضل  و کرم سے آپ سب کی محنتوں کو قبول فرمائے  اور مزید توفیق بخشے آمین امین

ان نو چلوں کو نبھانے کے بعد نئے احباب کو  ابتدائی طور پر وظیفہ خوانی   کا سلیقہ اور طریقہ آ گیا ہے ،اپنے اوقات کو منضبط کرنے کا ڈھنگ وہ سیکھ گئے ہیں  ،دوران ِ عمل نفس کو سستی و کاہلی سے بعض رکھنے اور شیطانی وسوسوں کی طرف التفات نہ کرنے کا ہنر جان  گئے ہیں   ،انہیں معلوم ہوگیا ہے کہ استقامتِ قلبی کے ساتھ ذکر و اذکار کیسے کیا جاتا ہے،طبیعت کی جلد بازی بھی جاتی رہی ہے ،سکون و وقار کے ساتھ مزاج میں شگفتگی اور پختگی بھی آ گئی ہے  اب چونکہ آپ عملیات کی اس روحانی دنیا   میں خیر و سلامتی کے ساتھ داخل ہو چکے ہیں   تو آئیے آپ کو  آگے لئے چلتے ہیں

اس سے قبل کہ میں دوسرے دور کے عملیاتی چلوں کی تفصیل دوں یہ واضح کر دینا ضروری سمجھتا ہوں  میرا ارادہ  یہ بالکل نہیں تھا کہ اس دور کے چلوں میں  ہر کسی کو شامل کروں بلکہ اسے مختص کرنے کا ارادہ تھا ان احباب کے لئے جنہوں نے ابتدائی نو چلوں کو نہایت صبر و استقامت سے نکالا ہے لیکن اہلیت رکھنے والے پرانے مخصوص احباب کی طیب ِ خاطر کیلئے اور نئے آنے والے کچھ لوگوں کی طلب صادق نے مجھے مجبور کیا کہ اس تفصیل کو عام شائع کروں تاکہ اس کے اولین مخاطبین میں  وہ احباب  بھی شامل ہوں جنہوں نے فون یا میجیس کے ذریعہ فقیر سے باربار دعوات و عملیات سیکھنے کی فرمائش کی ہے

روحانی عملیات کا دوسرا دور

پہلے دورکے نو چلوں کو بحسن و خوبی  کامیابی کے ساتھ سرانجام دینے کے بعد ظاہر ہے آپ کے اندر  اوراد و وظائف اور چلہ کشی   کاذوق و شوق   مزید بڑھ   گیا ہوگا ،اس راہ میں صدق و اخلاص کے ساتھ مجاہدہ کرنے کا آپ نے عزم ِ مصمم کر لیا ہوگا اور اس تحریر  دل پذیر  کے منتظر ہوں گے کہ کب ہمیں دوسرے مرحلے کا درس اور لائح عمل ملے تو جان لیجئے کہ  انتظار کی ساعتیں ختم ہوئیں اور  دورِ مجاہدہ پھر شروع ہوا چاہتا ہے

اس دوسرے مرحلے میں بھی ہم نے نو چلوں کی ترکیب رکھی ہے  اور یہ سارے چلے با موکل ہوں گے اور  پرہیز ِکامل کے ساتھ ادا کئے جائیں گے  اور ان چلوں کا دورانیہ ۷ سے ۱۱ دن کا ہوگا جسے آپ اپنی سہولت کے اعتبار سے اپنے صوابدید پر  با آسانی ہر ماہ   نئی پلاننگ کے ساتھ  مکمل کر سکتے ہیں  سات یا گیارہ دنوں  کےکامل پرہیز  سے ابتداءً طبیعت  پر بار محسوس نہیں ہوگا بلکہ شوق میں اضافہ ہوگا اور آنے والے  دوسرے چلوں کے لئے خود کو مستعد و  آمادہ پائیں گے،

چونکہ اس سے قبل کامل پرہیز کا کوئی تجربہ آپ نے نہیں کیا ہے اس واسطے ان چلوں کا دورانیہ کم رکھا گیا ہے تاکہ آپ رفتہ رفتہ پرہیز کے عادی ہوں یکایک چالیس چالیس  دنوں کا  چلہ با پرہیز کراکے آپ لوگوں کو مشقت اور آزمائش  میں ڈالنا  کسی بھی طرح مناسب نہیں  بحمد للہ فقیر نےپچھلے کئی سال تک  بہت سارے احباب پر تجربہ کر کے پہلے اور دوسرے مرحلے کے ان  نوعملیاتی چلوں کو ترتیب دیا ہے جو مختلف قویٰ رکھنے والے افراد کے لئے یکساں طور پر مفید ہےجس میں محنت نہ کم ہے نہ زیادہ  اور فوائد بے شمار و لا تعداد کہ ان چلوں کے بعد بے شک  آپ ان اعمال کے عامل ہو جائیں گے پھر روحانی علاج و معالجہ کرنے اور حاجتمندوں کو  نقوش و تعویذات دینےکے اہل ہوں گے   ان شاء اللہ العزیز

 

دوسرے دور کی عملیاتی چلوں کی فہرست

  • عمل  خاص الخاص بسم اللہ شریف  
  • عمل یکے اسم از اسمائے ادریسیہ
  • عمل آیۃ الکرسی  شریف 
  • آیت قطب و آیت غوث
  • عمل ناد علی شریف
  • دعائے حیدری شریف
  • سورہ مزمل شریف
  • حزب البحر شریف
  • چہل کاف شریف

ابتدائی نو چلوں کی طرح یہ تمام ترچلیں فقیر کی اجازت کے ساتھ  نگرانی   میں کرائے جا رہے ہیں  وہ احباب جن کو ابتدائی نو چلوں میں رخصت دی گئی تھی وہ اس دوسرے مرحلے سے شامل ہو سکتے ہیں   بلکہ ضرور شامل ہوں کیوں کہ زیادہ تر احباب کی صلاحیت اسی درجے سے ابتداء کی ہے

 

رابطہ سے قبل ضروری ہدایات

جو احباب ان نو چلوں کے لئے رابطہ کریں وہ ان باتوں کوپہلے سمجھ لیں کہ  یہ چلے یکے بعد دیگرے کرائے جائیں گے  اور چلوں کی ترتیب اسی طرح ہوگی اور ضروری نہیں کہ نو ماہ میں نو اعمال مکمل ہو جائیں ممکن ہے تیرہ چودہ ماہ لگے کہ عمل کو اس کے معاون برج میں ہی شروع کرایا جائے گا ،ہر چلے کا طریقہ  کارعمل شروع کرنے سے ایک ہفتہ قبل دیا جائے گا جب تک اس عمل سے فارغ نہیں ہو جاتے دوسرے چلے کی تفصیل نہیں ملے گی   ،ترکیب زکات اور چلوں کی تفصیل کو ہمیشہ ہر کسی سے مخفی رکھنا  آپ کے اوپر لازم ہوگا

دانہ چوں اندر زمیں پنہا شود

بعد ازاں سرسبزی بستاں شود

جیسے ہی آپ چلوں کی تفصیلات کے راز کو افشا کریں گے آپ کا عمل رخصت ہو جائے گا اور محنت اکارت جائے گی  اور قبلِ زکات و ریاضت افشا کر دیا تو کبھی  کسی صورت کامیاب نہ ہوں گے  بلکہ ممکن ہے کہ رجعت میں گرفتار ہوں واللہ اعلم

ہدیہ برائے نگرانی  اعمال و چلہ کشی

ابتدائی عاملین کے نو چلوں کا ھدیہ  فی چلہ/-۱۱۰۰روپئے مقرر ہے

 اور  دوسرے دور کے ان نو چلوں کا  ہدیہ /-۲۱۰۰ روپئے  فی عمل  مقرر کیا گیا ہے   واضح رہے کہ یہ ہدیہ اجازت ِ اعمال کا نہیں بلکہ نگرانی  اور اعمال کے طریقہ کار کی تفصیل  اور اس میں مکمل رہنمائی کا ہےاور ھدیہ مقرر شدہ  پہلے ہی ادا کرنا ہوگا   اس کے لئے دئے گئے واٹس ایپ نمبر پر رابطہ کریں  اور ھدیہ ارسال کر کے اپنا روحانی سفر خیر و سلامتی کے ساتھ جاری کریں

نو چلوں کا ہدیہ ایک بارمیں ادا کرنے  کا فائدہ

احباب جو ان چلوں کا ہدیہ ایک بار میں ادا کریں گے ان کو نقشِ مثلث و مربع کی ز کات و ریاضت اور ان دونوں امہاتِ نقوش کی طبعی چالیں اور   وضعی   ترکیبوں کی چند  مشقیں  ان نو چلوں کے دوران ہی کرا دی جائیں گی جن کا جاننا ہر عامل و روحانی معالج کے لئے ضروری ہے اس کے علاوہ آنے والے دیگر عملیاتی کورس کے ہدیہ و فیس  میں ان احباب کو  خاصی رعایت  ملے گی

 

دوسرے مرحلے میں کون کون شامل ہو سکتے ہیں

  • وہ  احباب کہ جنہوں نے ابتدائی عاملین کے نو چلوں کو مکمل کیا
  • وہ احباب جنہیں ابتدائی نو چلوں سے رخصت دی گئی تھی
  • خواتین بھی ان چلوں میں  سہولت کے ساتھ شامل ہو سکتی ہیں
  • وہ احباب بھی شامل ہوں  جو اگرچہ ان اعمال کے عامل ہیں   لیکن شرط یہی ہے کہ اسی ترتیب سے سارے اعمال کرنے ہوں گے

تنبیہ

اس قسم کے اعمال و اشغال کا بجا لانا ہر کس و ناکس کا کام نہیں لہذا جو لوگ اس راہ سے بالکل نا واقف ہیں وہ محض شوق پال کر ان چلوں کو نہیں کر سکتےاس لئے اگر کوئی ایسا شخص جو ان اعمال کے کرنے کی اہلیت نہیں رکھتا اس کا ہدیہ قبول نہیں کیا جائے گا   ایک نہایت اہم بات کر کے اس نشست کو ختم کروں گا کہ اعمال کی نگرانی کا ہدیہ جو مقرر کیا گیا ہے اس کی ایک وجہ یہ ہے کہ صرف اور صرف سنجیدہ لوگ ہی رابطہ کریں گے جو  صحیح معنی میں اعمال و دعوات کے لئے  خود کو تیار پاتے ہیں  اور استاد کی نگرانی اور توجہ کی اہمیت سے واقف ہیں قدر جانتے ہیں ،اللہ تبارک و تعالی ٰ ہم سب کو علمِ نافع عطاء فرمائے آمین آمین

 


Sunday, August 8, 2021

Saal Bhar Me Daulatmnad Banne Ka Amal | سال بھر میں دولت مند بننے کا عمل

 
 Imamul Aarifeen Shaikh Abul Abbas Imam Ahmad Booni رحمہ اللہ  ka bataya hua yeh amal saal bhar me daulatmand  banne  ka nihayat saheeh aur mujarrab hai ahbab me.se jo kar.na chahe zaroor kare Allah tala kamyabi ata farmaye Amin

300 Bar Bismillah Shareef
300 Bar Durood Shareef






 

Friday, August 6, 2021

Panch Roohani ilaj पांच रूहानी इलाज پانچ روحانی علاج | Episode #3

panch roohani ilaj ki is episode 3 me mandarja zail a'maal bataye gaye hain (1) Aulad e Nareena Ka HUsool (2) Hisaar Ka Amal (3) Sadqa Se Ilaaj (4) Taraqqi karobar (5) Quwat e Mardana Ki Bandish Ka Ilaj


 


Dukan Ki Taraqqi Ka Naqsh दुकान की तरक़्क़ी का नक़्श دکان کی ترقی کا نقش

 

duakn ki taraqqi ka naqsh ap khud se likh lijye ,ahbab roohani amileen hajatmando ko is tarah dukan ki taraqqi ka naqsh likh kar dia kare Allah tala barkat de Amin



Wednesday, August 4, 2021

Ism Rahman Ki Sharah Aur Khwas |इसम रहमान की शरह और ख्वास | اسم رحمن کی شرح اور خواص

 ism ya rahman ki sharah aur khwas jane baghair amil ko is ki riyazat me nahi lgna chahiye , zakat waghaira se qabal ism ki sharah aur iski khasiyat se waqfiyat hasil kare isse muttasif hone ki koshish kare tab jakar ism ko parhne ka faida mukammal taur par hoga.



Sunday, August 1, 2021

Durood Shareef Parhne Ke Adaab Alahazrat Ka Khubsoorat Irshad

 durood shareef parhne ka tariqa jo alahazrat azeemulbarkat ne irshad farmaya subhan allah is tarah zauq o shauq ke sath rozana durood shareef sarkar me arz karte rahna chahiye , ahbaab zaroor bizzaroor in aadaab ko malhooz rakha kare



Featured Post

Daulat Mand Banne ka Tilismi Chiragh O Palita धनी बनने का मंत्र दीपक دولت مند بننے کا طلسمی چراغ و پلتہ (A Magical Chiragh To Be Rich)

Is Amal ki badaulat insaan bohat kam waqt me daulatmandi ka lutf uthane lagta hai rupai paise mukhtalif bahano se aana shuru ho jate hai...