HAJJ BAITULLAJ KA SHARAF HAASIL HONE WALA HAI | 2025 | 1446 | حج بیت اللہ کا شرف حاصل ہونے والا ہے | SUFI IMRAN RAZVEE SB | IDARA ROOHANI IMDAD

    Aap sab ahbab ko yeh ittelaa deni hai ke imsaal yeh faqeer saraapa taqseer ka Hajje Baitullah ke liye jana ho raha hai , yaqinan yeh aap sab ke liye bhi masarrat o shadmaani ki khabar hai . kiyun ke is faqeer ke zimme ek aham kaam jo aap sab ke hawaale se rahta hai woh dua aur tawajjoh hai. musafir ki dua wese hi qubool hoti hai phir safar hajj ka ho to yeh nurun ala noor hai. 

   Sab se pehle to main aap sab se khususi dua ki darkhwast karta hun ke aap sab dua farmayen ke Hajj aasan ho maqbool o mabroor ho , khair o aafiyat ke saath jana aur bakhair wapas aana naseeb ho , arkaan e hajj basahulat ada hon , Harmain Sharifain ki baa adab haziryan naseeb hoti rahen. Amin.

        

       Aur aap sab ke liye faqeer e quadri tamam maqamaat e muqaddasah par sameem e qalb se dua go rahe ga , dauraan e hajj aap sab ke liye yeh teen duayen bakasrat maangi jaayengi.

1. Allahumma rabbana aatina fiddunya hasanah wa fil aakhirati hasanah waqina azabannaar wa adkhilnal jannata ma al abraar ya azeezu ya ghaffaar ya rabbal aalameen.
2. Allahumma inni as alukal afwa wal aafiyata wal mu aafaatad daaimati fiddeen waddunya wal aakhirah.
3. Allahmma inni as alaka ilman naafi an wa rizqan waasi an wa shifaa am min kulli daa.

        Phir Rauza e Rasool Sallallahu Alaihi Wasallam ki haazri par aap sab ke liye shafaat maangi jayegi .As alalukash shafa ata ya Rasoolallah. Huzoor Aqdas Sallallaho Alahi wasallam ki baargah me ap sab ka salaam pesh karenge. insha Allah.

        Baqi Shareef Me Ap ke marhumeen ke liye dua ki jaayengi aur Ouhad Shareef ki haazri me aap sab ke liye Hazrat e Ameer Hamza Raziallahu anhu ki baargah se Hajj o Umrah ka Visa grant krayenge ansha Allah.

           

          Duaon me yaad rakhen Allah tabarak wa taala hum sab ko ilm e naafe rizq e waase aur khair e kaseer ata farmaye hum sab ko hajj e baitullah ki saadat se bahramand farmaye Amin bijaahinnabiyilkareem alaihissalaatu wattasleem.