Khatm e Quadriyah Sahreef | AL AUFAAQ | Sufi Imran Razvee Sb

 ختم قادریہ شریف 

    اول ایک سو مرتبہ درودِ غوثیہ پھر پانچ سو مرتبہ حَسْبُنَااللّٰہُ وَنِعْمَ الْوَکِیْلُ پڑھے اور ہر سینکڑہ پر ایک مرتبہ نِعْمَ الْمَوْلیٰ وَنِعْمَ النَّصِیْرُ پڑھا کرے آخر میں ایک سو مرتبہ درود غوثیہ پڑھ کر اس کا ثواب حضور غوث الاعظم رضی اللہ عنہ کی روح مبارک کو ہدیہً پیش کرے اور مقصد و مراد کے لئے دعاء کرے   ۔

    اس ختم شریف کو ہر ہفتے جمعرات کے دن پڑھ لیا کرے یہ تحفہ ہے آپ تمام احباب و متعلقین و محبین وجملہ طالبین و مریدین کے لئے جو میں اجمیر معلی سے لایا ہوں ۔وہاں قیام کے دوران میرے دل میں یہ بات ڈالی گئی کہ اس ختم شریف کو خود بھی پڑھوں اورسارے احباب کو بھی پڑھنے کی تلقین کروں اور چونکہ ہمارے مشائخ نے یہ تعلیم فرمایا کہ کسی کوکچھ بتاؤ تو پہلے خود عمل کرو لہذا میں نے جمعرات کے دن خواجہ ہند کے آستانے پر تکمیلِ قرآن کے بعد ہی اس ختم شریف کو پڑھا اور وہاں موجود اپنے چند رشتہ داروں کو بھی پڑھایا یہ ختم قادریہ دافع بلیات کے لئے حصولِ مرادات کے لئے شفائے امراض کے لئے حلِّ مشکلات کے نہایت آزمودہ ہے ۔نہ صرف ہمارے مشائخ قادریہ کے معمول کا ہے بلکہ مشائخ نقشبندیہ کے ہاں بھی نہایت اہتمام سے پڑھا جانے والا ختم ہے ۔اللہ تعالیٰ برکت فرمائے آمین

خاکپائےغوثِ اعظم زیر سایہ ہر ولی             

فقیر قادری محمد عمران رضوی غفرلہ