KHUDA E SALAAM | خدائے سلام | AL AUFAAQ

خدائے سلام

بے عیب وسلامت ۔ اس اسم سے بندہ کا نصیب یہ بتایاہے کہ مسلمان اس کی زبان اور اس کے ہاتھ سے محفوط وسلامت رہیں بلکہ وہ مسلمانوں کے ساتھ بہت زیادہ شفقت کا معاملہ کرے جب وہ کسی ایسے مسلمان کو دیکھے جواس سے عمر میں بڑا ہو تو یہ کہے کہ یہ مجھ سے بہتر ہے کیوں نکہ اس نے میری نسبت زیادہ عبادت واطاعت کی ہے اور ایمان ومعرفت میں مجھ پر سبقت رکھتا ہے اور اگر کسی ایسے مسلمان کو دیکھے جو عمر میں اس سے چھوٹا ہوتو بھی یہی کہے یہ مجھ سے بہتر ہے کیوں نکہ اس نے میری بنسبت گناہ کم کئے ہیں ۔ نیز اگر کسی مسلمان بھائی سے کوئی قصور ہو جائےاور معذرت کرے تو اس کی معذرت قبول کرکے اس کا قصور معاف کردیا جائے ۔ خاصیت اگر کوئی شخص اس اسم مبارک کو کسی بیمارپر ایک سو گیارہ مرتبہ پڑھے تو انشاء اللہ حق تعالیٰ اسے صحت وشفاعطافرمائے گا اور اگر کوئی شخص اس کو برابر پڑھتا رہے تو خوف سے نڈرہوگا۔