The blessings of reciting Sayyiduna Yaseen ﷺ

 سَیِّدُنَا  یٰسﷺ پڑھنے کے برکات

 اس اسم پاک کے اعداد ستّر(70) ہیں بلا شبہ یہ حضور نبی کریم صلی اللہ علیہ وآلہ وسلم کا اسم مبارک ہے اور یہ قرآن مجید  کےحروف مقطعات  میں سے ہے علماء کرام ومفسرین کرام نے اس اسم مبارک کے معنی یَاسَیِّد  کیے ہیں ۔علماء کرام اس کے معنی ومطالب کے بیان میں کہتے ہیں کہ اس اسم پاک کے معنی ومطالب اور اسرار ورموزا اللہ تعالےٰ اوراس کے رسُول علیہ الصلوٰۃ والسلام ہی بہتر طور پر جانتے ہیں ۔ حضور  خاتم النبین صلی اللہ تعالیٰ علیہ وسلم کے اس اسم پاک کو پڑھنے کے بے شمار فوائدہیں ۔ اگر کسی کی کوئی ایسی جائز حاجت ہو جو کسی طرح پُوری نہ ہوتی ہو تو چاہیئے کہ نصف شب کو ننگے سر ہو کر با وضو حالت میں اکتالیس مرتبہ یہ اسم پاک پڑھ کر اللہ تعالیٰ سے دُعا مانگے انشاء اللہ تعالیٰ ہر مراد پُوری ہو گی جو حاجت ہو گی پر وردگار عالم اپنے فضل وکرم اوراس اسم پاک کی برکت کے طفیل حاجت روائی فرمائے گا جو کوئی کسی امتحان میں کامیابی کا خواہاں ہو تو اُسے چاہیئے کہ ہر فرض نماز کے بعد اکتالیس مرتبہ پڑھ کر بار گاہِ الہیٰ میں کامیابی کے لیے دعا مانگے انشاء اللہ تعالیٰ امتحان میں کامیابی حاصل ہو گی ۔ جو کوئی یہ چاہے کہ وہ دشمن کے شرسے محفوظ رہے دشمن اسے کسِی قسم کا نقصان نہ پہنچا سکے تو وہ ہر نماز کے بعد نہایت توجہ اوریکسوئی کے ساتھ ستّر مرتبہ پڑھے اس اسم پاک کی برکت سے دشمن اس پر غلبہ نہ پا سکے گا اور کوئی نقصان نہ پہنچائے گا۔