اس اسم پاک کے اعداد آٹھ سو چھہتر (۸۷۶) ہیں اور اس کے معنی ہیں ۔ سب سے زیادہ سخاوت   کرنے والے ۔ جہان بھر سے زیادہ سخاوت کرنے والے، سب سے بڑھ کر سخی ۔حضُور سرور کائنات صلی اللہ علیہ وسلم کے اس صفاتی اسم پاک کو پڑھنے کی فضلیت یہ ہے کہ جو کوئی ہر نماز کے بعد ایک سو مرتبہ پڑھنے کا معمول بنالے تو وہ   مخلوق میں کسی کا محتاج نہ رہے گا اللہ تعالیٰ اس پر اپنا خصوصی فضل وکرم نازل فرمائے گا۔ اگر کوئی قناعت پسندی اختیار کرنے کا خواہاں ہو مگر   اس کا دل دنیاوی چمک دمک دیکھ کر لالچ کرتا ہو اور اسے حرص پر اُبھارتا ہو تو اُسے چاہیئے کہ وہ روزانہ نماز   فجر کے بعد باوضو حالت میں ایک سو گیارہ مرتبہ یہ اسم مبارک پڑھ کر بارگاہِ الہٰی میں دُعا مانگے اس عمل کی مداومت کرنے سے ان شاء اللہ تعالےٰ اسے قلبی سکون عطا ہوگا قلب لالچ کی طرف راغب نہ ہوگا اور وہ قناعت کی دولت سے مالامال ہوگا۔    

 

 

سَیِّدُنَاصَادِقُ الْوَ عْدِﷺ پڑھنے کے برکات اس اسم پاک کے اعداد تین سو چھ (306) ہیں اور اس کے معنی ہیں ۔ وعدہ کے سچے ،عہد کے پکے۔یہ بھی حضُور نبی کریم علیہ الصّلوٰۃ والسّلام کا صفاتی اسم مبارک ہے اس کوپڑھنے اور ذکر کرنے کا فائدہ یہ ہے کہ اگر کسی گھر میں   آسیب کا داخلہ ہو ۔ آسیب بہت زیادہ تنگ کرتا ہو تو یہ اسم پاک باوضو حالت میں ایک سفید کاغذ پر لکھے اَور گھر کی پیشانی پر چسپاں کردے علاوہ ازیں مغرب کی نماز کے بعد ایک سو مرتبہ پڑھ کر گھر کے چاروں کونوں میں دم کرے انشاء اللہ تعالیٰ آسیب گھر میں داخل نہ ہو سکے گا اور دفع ہو جائے گا۔اگر کوئی یقین کامل اور توجہ ویکسوئی کے ساتھ آسیب زدہ پر ایک سو مرتبہ پڑھ کر دم کرے تو بفضل باری تعالٰی آسیب سے نجات مل جائے اور آسیب پھر کبھی تنگ نہ کرے گا۔

  ﷽ الصلوۃ والسلام علیک یا رسول اللہ وعلیٰ الک واصحابک یا حبیب اللہ عاشورہ   میں   ان پانچ مجرب اعمال   کے عامل بنیں سورہ یس سورہ مزمل آیۃ الکرسی ناد علی چہل کاف ایک روزہ ایک روزہ ایک روزہ ایک روزہ ایک روزہ سورہ یس شریف: ·     حل المشکلات ·     کشائس رزق ·    شفائے امراض سورہ مزمل شریف ·     تصرفات ظاہری و باطنی ·     رد سحر و شفائے امراض ·     فراخی و وسعتِ رزق آیۃ الکرسی شریف ·     اعمال کی رجعت سے حفاظت ·     ہر قسم کے جادو سحر سفلی کا علاج ·     حل مشکلات و دفع مصائب ناد علی شریف: ·     قضائے حاجات ·     قہر و غلبہ   بر دشمناں ·     اثرات و سحر   کا علاج چہل کاف شریف: ·     دفع   آسیب وجنات ·     ہر ...

 

 

                                                سَیِّدُنَاذُ وْفَضْلِﷺ پڑھنے کے برکات اس اسم مبارک کے اعدادایک ہزار چھ سو سولہ (۱۶۱۶) ہیں اور اس کے معنی ہیں   فضل والے ،کرم والے۔ یہ حضُور کریم علیہ الصّلوٰۃ والسّلام کا صفاتی اسم پاک ہے اس کو پڑھنے اور ذکرکرنے کی فضلیت یہ ہے کہ جو کوئی اپنے رزق حلال میں فراخی کا خواہاں ہو تنگدستی اور غربت وافلاس دُور کرنا چاہتا ہوتو وہ خلوص نیّت کے ساتھ ہر نماز کے بعد ایک سو مرتبہ یہ اسم پاک پڑھ کرباگاہِ الہٰی میں دُعامانگے انشاءاللہ تعالیٰ اس عمل کی مدارت کرنے سے اللہ تعالٰی خصُوصی فضل وکرم فرمائے گا رزق حلال میں خیر و برکت ہوگی اور غربت وتنگدستی دُور ہو جائے گی۔جو کوئی چاہے کہ اس کا ایمان مضبوط ہو جائے اورایمان کو تقویّت حاصل ہو جائے تو روزانہ عشاء کے نماز کے بعد تین مرتبہ اس اسم پاک کو پڑھ لیا کرے بفضل باری تعالٰی ایمان کی مضبُوطی عطا ہوگی اللہ تعالیٰ دین ِ اسلام پرثابت قدمی اور استقامت کی توفیق عطافرمائے گا۔

    سَیِّدُنَااَحَبَّ اَلنَّاسِﷺ پڑھنے کے برکات اس اسم پاک کے اعدادایک سو ترپن (153) ہیں اور اس کے معنی ہیں ۔ تمام انسانوں سےپیارے ، سب لوگوں سے پیارے۔حضُور سرور کائنات صلی اللہ وآلہٖ وسلم کے اس صفاتی اسم پاک کو پڑھنے کی بہت زیادہ   فضلیت ہے جو کوئی اس بات کی خواہش رکھتا ہو کہ اس کے دل میں حضُور نبی کریم صلے اللہ علیہ وسلم کی محبّت راسخ   ہوجائے تو وہ روزانہ نماز عشاء کے بعد باوضو حالت میں ایک سو مرتبہ اس اسم پاک کو پڑھ لیا کرے انشاء اللہ تعالیٰ اسے محبّت رسُول صلے اللہ وصلم حاصل ہوگی ۔ علاوہ ازیں اگر کوئی یہ چاہے کہ اسے حضُور کریم علیہ الصّلوٰۃ والسّلام کی زیارت کی سعاوت   حاصل ہو جائے تو وہ روزانہ رات کو سونے سے قبل خُوب اچھی طرح وضوکرے پاکیزہ لباس پہنے اور پاک صاف بستر پر بیٹھ کر تین سو مرتبہ یہ اسم پاک نہایت توجہ ویکسوئی کے ساتھ پڑھے اور پھر اپنے مقصد کی نیّت کرتے ہوئے قبلہ رُخ ہو کر لیٹ   جائے ان شاء اللہ تعالٰی خواب میں حضُور صلی اللہ علیہ وسلم کی زیارت سے مشرف ہوگا ۔ اگر پہلے دن کامیابی نہ ہو تو دوسرے دن پھر اسی طرح کرے ان شاء اللہ تعالیٰ تین یوم...

  سَیِّدُنَازَکِیٌّﷺ پڑھنے کے برکات اس اسم پاک کے اعدادسنتیس (37)ہیں اور اس کے معنی پاکیزہ ،پاک،معطر،طیّب یہ حضُور نبی کریم علیہ الصّلوٰۃ والسّلام کا صفاتی اسم پاک ہے اس کے فضائل بے شمار ہیں ۔ اگر کوئی اخلاق باختہ ہو کسی کے ساتھ بھی ٹھیک طرح سے گفتگو نہ کرتا ہو اس کی عادت سے اس کے گھر والوں کو بہت کوفت پریشانی ہو تی ہوتو چاہیئے کہ باوضوحالت میں ایک سو اکیس مرتبہ یہ اسم پاک پڑھ کر نماز فجر کے بعد اس پر دم کیا جائے گیارہ یوم تک بلاناغہ اس طرح کیا جائے انشاء اللہ تعالیٰ اس کے اخلاق ٹھیک ہوجائیں گے۔جس کے باطن میں خباثت ہو شرارتی ذہن رکھتا ہو مگر خود بھی اپنی اس عادت سے چھٹکارا چاہتا ہو کسی بھی طرح اس کی یہ عادت اس سے چھوٹتی نہ ہو تو وہ ہر نماز کے بعد سینتیس مرتبہ اس اسم مبارک کو پڑھ کر بارگاہِ الہٰی میں دعا مانگے انشاء اللہ تعالیٰ بہت جلد اس کی بُری عادات چھُوٹ جائیں گی اللہ تعالیٰ اس اسم پاک کی برکت کے طفیل اس کا باطن پاک وصاف کردے گا۔ اور اس کا قلب اچھائی کی طرف رغبت کرے گا۔

  سَیِّدُنَاغَوْثٌﷺ پڑھنے کے برکات اس اسم پاک کے اعداد پندرہ سو چھ (1506)ہیں اور اس کے معنی ہیں مدد کرنے والے ، فریاد سُننے والے۔حضُور نبی کریم علیہ الصّلوٰۃ والسّلام کے اس صفاتی اسم پاک کو پڑھنے کا فائدہ یہ ہے کہ جو کوئی کسی ناگہانی مصیبت میں مبتلاہوگیا ہو اور مصیبت سے چھٹکارے کی صورت دکھائی نہ دیتی ہو تو وہ باوضوحالت میں قبلہ رُخ ہوکر بیٹھے اور حضُور سرور کائنات صلے اللہ علیہ وسلم پردُرود پاک بھجنے کے بعد پندرہ سو چھ مرتبہ اس اسم مبارک کو   پڑھے اور اللہ تعالیٰ سے دُعا مانگے انشاء اللہ تعالیٰ مصیبت سے نجات حاصل ہوگی ۔جو کوئی کسی ایسے مرض میں مبتلا ہو کہ علاج کرواکر تنگ آگیا ہو مگر کسی طرح شفا حاصل نہ ہوتی ہوتو   روزانہ باوضو حالت میں ایک سو مرتبہ یہ اسم پاک پڑھ کر بارگاہِ الہٰی   میں دُعا مانگے چالیس یوم تک بلاناغہ   اسی طرح کرے انشاء اللہ تعالےٰ شفا ئے کاملہ نصیب ہوگی۔ اور بیماری جاتی رہے گی۔

سَیِّدُنَاتَالِیٌﷺ پڑھنے کے برکات اس اسم پاک کے اعدادچار سو اکتالیس (441) ہیں اور اس کے معنی ہیں ۔قرآن مجید کی تلاوت کرنے والے ۔یہ حضُور نبی کریم علیہ الصّلوٰۃ والسّلام کا صفاتی اسم مبارک ہے اگر کسی کی زبان صاف نہ ہو بات کرتے ہوئے دقت محسوس کرتا ہو کسی کے سامنے گفتگو کرتے ہوئے ہچکچاتا ہوتو اُسےچاہیئے کہ وہ روزانہ نماز عصر کے بعد نہایت توجہ ویکسوئی کے ساتھ ایک سو مرتبہ یہ اسم پاک پڑھے انشاء اللہ تعالیٰ اس کی زبان کھل جائے گی اور وہ فصیح وبلیغ ہوجائے گا۔ جو کوئی یہ چاہے کہ عبادت ِ الٰہی کرتے ہوئے اسے حلادت محسوس جو سکونِ قلبی حاصل ہو تو وہ ہر نماز کے بعد اکتالیس مرتبہ اس مبارک کوپڑھنے کا معمول بنالے بفضل باری تعالےٰ اس کو اللہ تعالےٰ کی عبادت میں مزہ آئے گا پروردگارِ عالم اس پر اپنا خصوصی فضل وکرم نازل فرمائے گا۔

  سَیِّدُنَاحَیِّیٌﷺ پڑھنے کے برکات اس اسم پاک کے اعداد اٹھائیس (28)اور اس کے معنی ہیں سب سے زیادہ حیا والے سب سے زیادہ شرم والے ۔حضُور سرو کائنات صلی اللہ آلہٖ وسلم کے اس صفاتی اسم مبارک کو پڑھنے اور اس کا ذکر کرنے سے بہت فائدہ ہوتا ہے ۔ جو کوئی یہ چاہے کہ وہ فحش گوئی اوربرُے کاموں سے بچارہے تو وہ روزانہ نماز مغرب کے بعد ایک سو مرتبہ یہ اسم پاک پڑھ لیا کرے انشاء اللہ تعالیٰ شرِ شیطان سے محفُوظ رہے گا اللہ تعالےٰاپنی حفظ وامان میں رکھے گا۔اگر کوئی شخص بے حیائی کے کاموں میں بڑھ چڑھ کر حصّہ لیتا ہو اور کسی بھی طرح بازنہ آتا ہو بلکہ اپنی بُرائی کا   کھُلم کھُلا اظہار کرکے فخر محسوس کرتا ہو تو اُسے راہ راست پر لانے کی   غرض سے چاہیئے کہ روزانہ باوضوحالت میں یہ اسم مبارک اٹھائیس مرتبہ پڑھ کر اس کے سینہ پر دم کیا جائے انشاء اللہ تعالیٰ وہ بُرائی سے نفرت کرنے لگے گا س میں حیا آجائے گی۔ یہ عمل روزانہ بلاناغہ چالیس یوم تک لیا جائے بفضل باری تعالےٰ   مطلوبہ مقصد میں ضرور کامیابی ہوگی۔